నిస్సాన్ సంస్థ సరికొత్తగా మార్కెట్లోకి తీసుకువస్తున్న మిడ్‌సైజ్ ఎస్‌యూవీ ‘నిస్సాన్ టెక్టాన్’ పనితీరును పరీక్షించేందుకు హిమాలయాల్లోని అత్యంత కఠినమైన రహదారులపై ఏకంగా 770 కిలోమీటర్ల సుదీర్ఘ టెస్ట్ డ్రైవ్ నిర్వహించారు. చండీగఢ్ నుండి మనాలి, పదుం మీదుగా లేహ్ వరకు మూడు రోజుల పాటు సాగిన ఈ ప్రయాణంలో ఎక్స్‌ప్రెస్‌వేలు, ఘాట్ రోడ్లతో పాటు ఎత్తైన కొండల మధ్య ఉన్న రాళ్లు, రప్పల దారులపై ఈ కారు ప్రయాణించింది. రెనాల్ట్ డస్టర్ ప్లాట్‌ఫామ్‌పైనే రూపొందినప్పటికీ, నిస్సాన్ పెట్రోల్ మోడల్ తరహా క్రోమ్ గ్రిల్, సీ-షేప్డ్ ఎల్ఈడీ డిజైన్‌తో దీనికి పూర్తి భిన్నమైన స్పోర్టీ లుక్‌ను ఇచ్చారు.
Also Read : జోగి రమేష్ రాజకీయ కెరీర్ క్లోజ్..?
ఈ ఎస్‌యూవీ క్యాబిన్ లోపల 10.1 ఇంచుల టచ్‌స్క్రీన్, గూగుల్ బిల్ట్-ఇన్, పనోరమిక్ సన్‌రూఫ్, 48 కలర్ల యాంబియంట్ లైటింగ్ మరియు ఆర్కామిస్ 3డీ సౌండ్ సిస్టమ్ వంటి ప్రీమియం ఫీచర్లను అమర్చారు. లాంగ్ జర్నీలలో డ్రైవర్లకు మంచి విజిబిలిటీ, వెనుక కూర్చునే వారికి 700 లీటర్ల భారీ బూట్ స్పేస్ లభిస్తుంది. అయితే, ముందు సీట్ల వెంటిలేషన్ కూలింగ్ కాస్త తక్కువగా ఉండటం, వెనుక విండో సన్‌షేడ్స్ లేకపోవడం మరియు డోర్ పాకెట్స్ చిన్నవిగా ఉండటం వంటి కొన్ని చిన్న చిన్న లోపాలు ఇందులో ఉన్నాయి.
Also Read : భారత ధనికులు విదేశాల్లోనే సెటిల్ అవుతారా..?
కఠినమైన కొండలపై ప్రయాణానికి ఇందులో 1.3 లీటర్ టర్బో-పెట్రోల్ ఇంజిన్‌ను 6-స్పీడ్ డ్యూయల్-క్లచ్ ఆటోమేటిక్ ట్రాన్స్‌మిషన్‌తో జతచేశారు. ఈ ఇంజిన్ ఘాట్ రోడ్లపై ఓవర్‌టేకింగ్‌కు అవసరమైన పవర్‌ను అద్భుతంగా అందిస్తుంది. దీని సస్పెన్షన్ ఎంతటి గుంతల రోడ్డునైనా సునాయాసంగా తట్టుకునేలా డిజైన్ చేశారు. కఠినమైన కొండలు, నిరంతరం మారే ఎత్తు పల్లాలు మరియు ఏసీ రన్నింగ్‌లో ఉన్నప్పటికీ.. ఈ కారు లడఖ్ ప్రయాణంలో లీటరుకు 10.5 నుండి 12 కిలోమీటర్ల మైలేజీని ఇచ్చి పర్ఫెక్ట్ క్రూయిజర్‌గా నిరూపించుకుంది.
