శ్రీలంకతో జరుగుతున్న తొలి టెస్ట్ మ్యాచ్లో తన అద్భుత స్పిన్ బౌలింగ్తో సరికొత్త సంచలనం సృష్టించాడు యంగ్ లెఫ్ట్ ఆర్మ్ స్పిన్నర్ మానవ్ సుతార్. తొలి ఇన్నింగ్స్లో లంక బ్యాటర్లను ముప్పతిప్పలు పెడుతూ 76 పరుగులకే 4 వికెట్లు పడగొట్టి టీమిండియాను పటిష్ట స్థితిలో నిలిపాడు. అయితే, గాలే పిచ్పై సుతార్ సాధించిన ఈ అపూర్వ విజయానికి కారణం శుభ్మన్ గిల్ లేదా కేఎల్ రాహుల్ ఇచ్చిన సలహాలు కాదని, దీని వెనుక అసలు సీక్రెట్ మరొకటి ఉందని తాజాగా వెల్లడైంది.
Also Read : జోగి రమేష్ రాజకీయ కెరీర్ క్లోజ్..?
టెస్ట్ సిరీస్ ప్రారంభానికి ముందే బిసిసిఐ సెంటర్ ఆఫ్ ఎక్సలెన్స్ లో 10 రోజుల పాటు కూకబుర్రా బంతులతో విండీ వాతావరణంలో అతను చేసిన కఠోర సాధనే గాలే టెస్టులో వికెట్ల వేటకు పునాది వేసిందని సుతార్ స్వయంగా పేర్కొన్నాడు. ఈ యువ స్పిన్నర్ విజయవంతం కావడం వెనుక టీమిండియా స్టార్ ఆల్రౌండర్ రవీంద్ర జడేజా హస్తం, ప్రోత్సాహం కూడా ఎంతగానో ఉన్నాయి. లంక ఇన్నింగ్స్ను కుప్పకూల్చే క్రమంలో ఒకవైపు జడేజా 3 వికెట్లు తీసి తన టెస్ట్ కెరీర్లో 350 వికెట్ల మైలురాయిని అందుకోగా.. మరోవైపు సుతార్కు ఎండ్-టు-ఎండ్ గైడెన్స్ ఇచ్చాడు.
Also Read : భారత్ ఓటర్ ఐడీ విధానంపై ట్రంప్ ప్రశంసలు..!
“రవీంద్ర జడేజా నుండి నేను నేర్చుకోవాల్సింది చాలా ఉంది. అతను క్రీజ్ను ఉపయోగించుకునే విధానం, స్టంప్స్ లైన్పై స్థిరంగా బౌలింగ్ చేసే నైపుణ్యం ప్రపంచ స్థాయికి చెందినవి. బ్యాటర్ ఏం చేస్తున్నాడనే దానితో సంబంధం లేకుండా, స్టంప్స్ టు స్టంప్స్ బౌలింగ్ చేస్తూ వారిని ఎలా ఒత్తిడిలోకి నెట్టాలో జడేజాను చూసే నేర్చుకున్నాను” అని మ్యాచ్ అనంతరం జరిగిన ప్రెస్ కాన్ఫరెన్స్లో సుతార్ వెల్లడించాడు. శ్రీలంక బ్యాటర్లు సోనాల్ దినూషా, నిరోషన్ డిక్వెల్లా రెండో సెషన్లో గట్టిగా ప్రతిఘటించినప్పటికీ.. సుతార్ సరైన లైన్ అండ్ లెంగ్త్తో స్థిరంగా బౌలింగ్ చేసి మూడో సెషన్లో భారత్కు బ్రేక్ త్రూలు అందించాడు. మ్యాచ్లో తాను వేసిన మొదటి బంతికే లంక వెటరన్ బ్యాటర్ దినేష్ చండీమాల్ను అవుట్ చేయడం తన ఆత్మవిశ్వాసాన్ని రెట్టింపు చేసిందని ఈ 24 ఏళ్ల స్పిన్నర్ ఆనందం వ్యక్తం చేశాడు.