భారత్ లో అత్యంత ప్రజాదరణ పొందిన మిడ్-సైజ్ సెడాన్ కార్లలో ఒకటైన హోండా సిటీ సరికొత్త అప్డేటెడ్ వెర్షన్తో మార్కెట్లోకి అడుగుపెట్టింది. 2023 తర్వాత ఈ మోడల్కు లభించిన రెండవ అతిపెద్ద మేజర్ అప్డేట్ ఇదేనని కంపెనీ తెలిపింది. మార్కెట్లో ఉన్న వోక్స్వ్యాగన్ విర్చుస్, స్కోడా స్లావియా, మరియు హ్యుందాయ్ వెర్నా వంటి గట్టి పోటీదారులకు గట్టి పోటీ ఇచ్చేందుకు హోండా ఈ ఫేస్లిఫ్ట్ వెర్షన్ను తీసుకువచ్చింది. ఈ లాంచ్ ఈవెంట్లోనే కంపెనీ తన సరికొత్త ‘ZR-V’ ఎస్యూవీని కూడా భారత మార్కెట్లోకి తొలిసారిగా పరిచయం చేయడం విశేషం.
Also Read: ఒక్క ఛార్జ్తో 440 కిలోమీటర్ల రేంజ్.. స్కోడా అదిరిపోయే ఎలక్ట్రిక్ ఎస్యూవీ..!
2026 హోండా సిటీ ఫేస్లిఫ్ట్ వెర్షన్ సరికొత్త డిజైన్ ఓవర్హాల్తో కస్టమర్లను ఆకట్టుకుంటోంది. కారు ముందు భాగంలో హనీకోంబ్ ప్యాటర్న్తో కూడిన కొత్త గ్రిల్, దానికి అనుసంధానంగా ఉండే లైట్ స్ట్రిప్ మరియు సరికొత్త హెడ్ల్యాంప్స్ ప్రధాన ఆకర్షణగా నిలిచాయి. అంతేకాకుండా, కారు బోనెట్ మరియు గ్రిల్ మధ్యలో హోండా సరికొత్త లోగోను అమర్చారు. వెనుక భాగంలో స్మోక్డ్ టెయిల్లైట్స్, కొత్త రిఫ్లెక్టర్ యూనిట్లు మరియు బూట్ లిడ్పై ఇంటిగ్రేటెడ్ స్పాయిలర్ కారుకు స్పోర్టీ లుక్ను ఇస్తున్నాయి.
Also Read : పాక్ బౌలర్ కు ఐపిఎల్ ఎంట్రీ క్లియర్..?
ఈ కారు క్రిస్టల్ బ్లాక్ పెర్ల్, రేడియంట్ రెడ్ మెటాలిక్, అబ్సిడియన్ బ్లూ పెర్ల్, ప్లాటినం వైట్ పెర్ల్ సహా ఆరు ఆకర్షణీయమైన కలర్ ఆప్షన్లలో లభిస్తుంది. కారు లోపలి భాగం పాత లేఅవుట్ను పోలి ఉన్నప్పటికీ, టెక్నాలజీ పరంగా కొన్ని కీలక మార్పులు చేశారు. ఇందులో ఆండ్రాయిడ్ ఆటో, ఆపిల్ కార్ప్లే సపోర్ట్ చేసే సరికొత్త 10.25-ఇంచుల భారీ టచ్స్క్రీన్ ఇన్ఫోటైన్మెంట్ సిస్టమ్ను అమర్చారు. వీటితో పాటు సన్రూఫ్, వైర్లెస్ ఫోన్ ఛార్జర్, ఫ్రంట్ వెంటిలేటెడ్ సీట్లు, యాంబియంట్ లైటింగ్, ఫుట్వెల్ లైటింగ్ మరియు 8-స్పీకర్ల సౌండ్ సిస్టమ్ వంటి లగ్జరీ ఫీచర్లు ఉన్నాయి.
Also Read : స్కోడా కార్లపై భారీ డిస్కౌంట్లు.. ఈ మోడళ్లపై రూ.3.5 లక్షల వరకు..!
భద్రత విషయానికి వస్తే.. 6 ఎయిర్బ్యాగ్లు, 360-డిగ్రీల కెమెరా, హిల్ హోల్డ్ అసిస్ట్, అత్యాధునిక ఏడీఏఎస్ సేఫ్టీ ఫీచర్లు ఇందులో ఉన్నాయి. ఈ ఫేస్లిఫ్ట్ మోడల్లో 1.5-లీటర్ న్యాచురల్లీ ఆస్పిరేటెడ్ పెట్రోల్ ఇంజిన్ను కొనసాగించారు. ఇది 121 హెచ్పీ పవర్, 145 ఎన్ఎమ్ టార్క్ను ప్రొడ్యూస్ చేస్తుంది. ఇది 6-స్పీడ్ మాన్యువల్ లేదా సివిటి గేర్బాక్స్ ఆప్షన్లతో లభిస్తుంది. ఇక హైబ్రిడ్ వెర్షన్ విషయానికి వస్తే.. ఇది 1.5-లీటర్ ఇంజిన్తో పాటు ఎలక్ట్రిక్ సపోర్ట్తో వస్తుంది. ఇది 126 హెచ్పీ పవర్, 253 ఎన్ఎమ్ టార్క్ను జనరేట్ చేస్తుంది. ఈ హైబ్రిడ్ ఇంజిన్ లీటరుకు ఏకంగా 27.26 కిలోమీటర్ల అద్భుతమైన మైలేజ్ ఇస్తుందని కంపెనీ స్పష్టం చేసింది.