రక్తాన్ని శరీరం మొత్తానికి పంపింగ్ చేయడంలో గుండె పాత్ర ఎంత ముఖ్యమో మనందరికీ తెలిసిందే. అయితే, బ్లడ్ సర్క్యులేషన్ సాఫీగా సాగడానికి గుండె ఒక్కటే కాకుండా శరీరంలోని కొన్ని కండరాలు కూడా దానికి పెద్దన్నలా సపోర్ట్ చేస్తుంటాయి. మన కాళ్ల వెనుక భాగంలో ఉండే పిక్క కండరాన్ని మన శరీరం యొక్క “రెండో హృదయం” అని పిలుస్తారు. మన శరీరంలో రక్త ప్రసరణ వ్యవస్థ సక్రమంగా పనిచేయడానికి ఈ కండరాలు ఎంతో కీలకమైన పాత్ర పోషిస్తాయని ప్రముఖ కార్డియాలజిస్ట్ డాక్టర్ ఆశిష్ జై కిషన్ వివరించారు.
Also Read : వైసీపీ తుఫాన్ రాజకీయాలు మొదలు..!
కాళ్ల నుంచి రక్తాన్ని తిరిగి గుండెకు విజయవంతంగా చేరవేయడంలో పిక్క కండరాలు ఒక నేచురల్ పంప్‌లా పనిచేస్తాయని వారు స్పష్టం చేశారు. మనం నడిచినప్పుడు, మెట్లు ఎక్కినప్పుడు లేదా నిలబడినప్పుడు ఈ పిక్క కండరాలు గట్టిపడి, కాళ్ల లోపలి భాగంలో ఉండే సిరలను గట్టిగా నొక్కుతాయి. ఈ స్క్వీజింగ్ యాక్షన్ వల్ల రక్తం గురుత్వాకర్షణ శక్తికి వ్యతిరేకంగా ఒక ప్రెజర్‌తో గుండె వైపు పైకి దూసుకువెళ్తుంది. సిరలలో ఉండే స్పెషల్ వన్-वे వాల్వ్స్ ఈ రక్తం మళ్లీ వెనక్కి రాకుండా అడ్డుకట్ట వేస్తాయి.
Also Read : మున్సిపల్ పోరు వేళ హింసకు వైకాపా కుట్ర..?
కానీ, ఆఫీసుల్లో డెస్క్ జాబ్స్ చేసేవాళ్లు లేదా లాంగ్ జర్నీస్ చేసేవాళ్లు ఒకే చోట గంటల తరబడి కూర్చుంటే ఈ నేచురల్ పంపింగ్ సిస్టమ్ పూర్తిగా మందగిస్తుంది. ఫలితంగా రక్తం కాళ్లలోనే నిలిచిపోయి వాపులు రావడం, లాంగ్ రన్‌లో బ్లడ్ క్లాట్స్ ఏర్పడే ప్రమాదం పెరుగుతుంది. మన హార్ట్ హెల్త్ అద్భుతంగా ఉండాలన్నా, వేరికోస్ వీన్స్ వంటి నరాల సమస్యలు రాకుండా ఉండాలన్నా కాఫ్ మజిల్స్ యాక్టివ్‌గా ఉండేలా చూసుకోవాలి. ఇందుకోసం రోజుకు కనీసం 30 నిమిషాల పాటు వాకింగ్ చేయడం అలవాటు చేసుకోవాలని డాక్టర్లు సూచిస్తున్నారు. కంప్యూటర్ల ముందు నిరంతరం పని చేసేవారు ప్రతి గంటకు ఒకసారి చిన్న మూవ్‌మెంట్ బ్రేక్స్ తీసుకోవడం, కూర్చున్న చోటే యాంకిల్ రొటేషన్స్ మరియు లెగ్ స్ట్రెచెస్ చేయడం చాలా మంచిది. బాడీని ఎప్పుడూ హైడ్రేటెడ్‌గా ఉంచుకోవడం వల్ల కాళ్ల నరాలపై ప్రెజర్ తగ్గి రక్త ప్రసరణ సాఫీగా సాగుతుంది.
