తెలంగాణ రాజధాని హైదరాబాద్ నగరంలో ఒక ప్రముఖ రహదారికి తన పేరు పెట్టడంపై అమెరికా అధ్యక్షుడు డొనాల్డ్ ట్రంప్ హర్షం వ్యక్తం చేశారు. భారతదేశ చరిత్రలోనే ఈ విధమైన అత్యున్నత గౌరవాన్ని అందుకున్న మొట్టమొదటి యూఎస్ ప్రెసిడెంట్ తానేనని ఆయన ఈ సందర్భంగా గర్వంగా ప్రకటించారు. తెలంగాణ ప్రభుత్వం అత్యంత ప్రతిష్టాత్మకంగా తీసుకుని, నగరంలోని అమెరికన్ కాన్సులేట్ కు ఆనుకుని ఉన్న ఒక ప్రధాన రహదారికి డొనాల్డ్ ట్రంప్ అవెన్యూగా నామకరణం చేయడంపై ట్రంప్ స్పందించారు.
Also Read : ఏపీ మ్యాప్ తో మార్కెట్లోకి జొన్నగిరి గోల్డ్..!
ఈ ప్రత్యేక గౌరవానికి గానూ ఆయన భారత ప్రభుత్వానికి, తెలంగాణ ప్రభుత్వానికి తన సోషల్ మీడియా ద్వారా ధన్యవాదాలు తెలియజేశారు. ఈ వారంలోనే హైదరాబాద్ నగరంలో అమెరికా రాయబారి సెర్గియో గోర్, తెలంగాణ డిప్యూటి సీఎం మల్లు భట్టి విక్రమార్క సంయుక్తంగా కలిసి ఈ రహదారికి సంబంధించిన అధికారిక నామఫలకాన్ని అత్యంత వైభవంగా ఆవిష్కరించారు. ఈ చారిత్రాత్మక ఘట్టానికి సంబంధించిన ఒక ప్రత్యేకమైన ఫోటోను డొనాల్డ్ ట్రంప్ తన అధికారిక సోషల్ మీడియా ప్లాట్ ఫారమ్ ట్రూత్ సోషల్ ఖాతాలో ప్రపంచవ్యాప్తంగా ఉన్న తన అభిమానులతో పంచుకున్నారు.
Also Read : యూఎస్ వీసా దరఖాస్తుదారులకు గుడ్ న్యూస్..!
భారతదేశంలోని హైదరాబాద్ నగరంలో కొత్తగా ‘డొనాల్డ్ ట్రంప్ అవెన్యూ’ ఏర్పాటయింది. ఈ తరహా అరుదైన గౌరవాన్ని పొందిన మొట్టమొదటి అమెరికా ప్రెసిడెంట్ ను నేనే కావడం ఎంతో సంతోషంగా ఉంది, థ్యాంక్యూ ఇండియా అంటూ రాసుకొచ్చారు. ఇదిలా ఉంటే డొనాల్డ్ ట్రంప్ అవెన్యూ.. రోడ్ భౌగోళికంగా, ఆర్థికంగా హైదరాబాద్ నగరంలో అత్యంత కీలకమైన ఐటీ హబ్ ప్రాంతంలో విస్తరించి ఉంది. నగరంలోని నూతన యూఎస్ కాన్సులేట్ కార్యాలయానికి ఇరువైపులా విస్తరించి ఉన్న ఈ రహదారి, అమెరికన్ టెక్నాలజీ దిగ్గజాలైన మైక్రోసాఫ్ట్, గూగుల్, అమెజాన్ వంటి ఆఫీసులకు దగ్గరగా ఉంది.