దీపావళి పండుగ వచ్చిందంటే చాలు రకరకాల మిఠాయిలతో ఇళ్లు కళకళలాడుతుంటాయి, అయితే పండుగ ముగిసిన తర్వాత చాలామంది గ్యాస్, ఎసిడిటీ, కడుపు ఉబ్బరం వంటి సమస్యలతో ఇబ్బంది పడుతుంటారు. సాధారణంగా మనమందరం స్వీట్లలోని కేలరీలను మాత్రమే చూస్తాం, కానీ మన జీర్ణవ్యవస్థ కేలరీలతో పాటు వాటిలో ఉండే ఫ్యాట్, లాక్టోజ్, వాడే పదార్థాలపై కూడా స్పందిస్తుందని ప్రముఖ గ్యాస్ట్రోఎంటరాలజిస్ట్ డాక్టర్ సుకృత్ సింగ్ సేథీ వెల్లడించారు.
Also Read : హార్దిక్ తో ఆ జట్టుకు ఉపయోగం లేదా..?
జీర్ణక్రియ పరంగా చూస్తే.. నూనెలో డీప్ ఫ్రై చేసి, చక్కెర పాకంలో ముంచే స్వీట్ల కంటే జీలకర్ర పాకం పూర్తిగా పిండేసిన రసగుల్లా లేదా తక్కువ పరిమాణంలో తినే కాజుకట్లీ వంటి మిఠాయిలు మీ పొట్టకు తక్కువ భారాన్ని కలిగిస్తాయి. పాలు విరగ్గొట్టి చేసే ఛేనా.. ఆధారిత రసగుల్లాలో లాక్టోజ్ కంటెంట్ చాలా తక్కువగా ఉంటుంది, కాబట్టి ఇది సులభంగా జీర్ణమవుతుంది. మరోవైపు కోవా ఆధారిత స్వీట్లు, శనగపిండితో డీప్ ఫ్రై చేసే స్వీట్లు.. జీర్ణమవ్వడానికి ఎక్కువ సమయం పడుతుంది.
Also Read : బ్రేకింగ్: పరిషత్ ఎన్నికలు వాయిదా..? ఎస్‌ఈసీ కీలక సమీక్ష..!
కోవాలో లాక్టోజ్ శాతం చాలా ఎక్కువగా ఉండటం వల్ల పాలు పడని వారికి కడుపునొప్పి, గ్యాస్ వంటి ఇబ్బందులు వస్తాయి. ఇక నూనె, చక్కెర పాకం దట్టంగా ఉండే మిఠాయిలను రాత్రి పూట ఆలస్యంగా తింటే ఎసిడిటీ పెరగడమే కాకుండా గాల్‌బ్లాడర్ సమస్యలు వచ్చే ముప్పు కూడా ఉందని వైద్యులు హెచ్చరిస్తున్నారు. కాబట్టి పండుగ వేళ స్వీట్లు తినేటప్పుడు వాటి పరిమాణం, తినే సమయం, నాణ్యతపై ప్రత్యేక శ్రద్ధ పెట్టడం ఎంతో అవసరం. పండుగ రోజుల్లో పొట్ట ఆరోగ్యాన్ని కాపాడుకోవడానికి స్వీట్లను ఎప్పుడూ ఖాళీ కడుపుతో కాకుండా, భోజనం తర్వాత మాత్రమే చిన్న ముక్కగా తీసుకోవాలి. అలాగే నిద్రపోయే కనీసం 2-3 గంటల ముందే డిన్నర్, స్వీట్లు తినడం ముగించాలి, లేదంటే నిద్రలో ఛాతీలో మంట వచ్చే అవకాశం ఉంది.
