ఇండియన్ బాక్సాఫీస్ దగ్గర కలెక్షన్ల సునామీ సృష్టించాలన్నా, రికార్డులను తిరగరాయాలన్నా అది కేవలం రెబల్ స్టార్ ప్రభాస్‌కు మాత్రమే సాధ్యమని మరోసారి రుజువైంది. బాలీవుడ్ ప్రతిష్టాత్మక చిత్రం, రణబీర్ కపూర్ హీరోగా వచ్చిన ‘రామాయణ’ నార్త్ బెల్ట్‌లో భారీ ఓపెనింగ్స్ సాధిస్తుందని అందరూ భావించారు. హిందీ మార్కెట్‌లో ఈ సినిమాకు మంచి వసూళ్లు వచ్చినప్పటికీ, గతంలో ప్రభాస్ సృష్టించిన ఒక అసాధారణమైన బాక్సాఫీస్ మైలురాయిని అధిగమించడం మాత్రం రణబీర్ వల్ల కాలేదు.
Also Read: కేంద్ర ఎన్నికల సంఘంలో సంచలన పరిణామాలు..!
ట్రేడ్ వర్గాల్లో ఇప్పుడు డార్లింగ్ ప్రభాస్ పాన్ ఇండియా స్టామినా గురించే హాట్ టాపిక్‌గా చర్చ సాగుతోంది. వాస్తవానికి రణబీర్ కపూర్ ‘రామాయణ’ చిత్రానికి నార్త్ ఇండియాలో చాలా పాజిటివ్ టాక్ వచ్చింది. హిందీ బెల్ట్ లోనే ఈ సినిమా మొదటి రోజు ఏకంగా రూ.47.50 కోట్ల నెట్ కలెక్షన్లను రాబట్టి సంచలనం సృష్టించింది. ఇండియా వైడ్‌గా ఈ చిత్రం ఫస్ట్ డే దాదాపు రూ.77.50 కోట్ల గ్రాస్ వసూళ్లను సాధించి అద్భుతమైన ఓపెనింగ్స్ అందుకుంది. అయితే, గతంలో ప్రభాస్ నటించిన ఆదిపురుష్ చిత్రానికి మొదటి రోజు నార్త్ అండ్ సౌత్ కలిపి వచ్చిన ఏకంగా రూ.103 కోట్ల గ్రాస్ రికార్డుతో పోలిస్తే.. రణబీర్ సినిమా దాదాపు రూ.25 కోట్ల మేర వెనుకబడిపోయింది.
Also Read: ఏపీపీఎస్సీ గ్రూప్-1 కేసు.. ఈడీ సంచలన ప్రకటన..!
బాలీవుడ్ ట్రేడ్ విశ్లేషకుల ప్రకారం.. ఎలాంటి సీక్వెల్ లేదా ఫ్రాంచైజీ బ్యాక్‌గ్రౌండ్ లేకుండా, కేవలం సోలో హీరో ఇమేజ్‌తో ఇండియాలో మొదటి రోజే రూ.100 కోట్ల గ్రాస్ మార్కును దాటిన ఏకైక నాన్-సీక్వెల్ రికార్డు ఇప్పటికీ ప్రభాస్ పేరు మీదే పదిలంగా ఉంది. రణబీర్ సినిమా హిందీలో స్ట్రాంగ్‌గా నిలిచినా, సౌత్ మార్కెట్ లో ప్రభాస్ రేంజ్ లో ఇంపాక్ట్ చూపించలేకపోయింది. సినిమా టాక్ తో సంబంధం లేకుండా కేవలం తన కటౌట్ చూసి థియేటర్లకు జనాలను రప్పించగల ఏకైక ఇండియన్ సూపర్ స్టార్ ప్రభాస్ మాత్రమేనని ఈ వసూళ్ల లెక్కలు స్పష్టం చేస్తున్నాయి.
