ఏపీలో కూటమి ప్రభుత్వం అధికారంలోకి వచ్చిన తర్వాత విద్యావ్యవస్థలో తీసుకొచ్చిన విప్లవాత్మక మార్పులు ఇప్పుడు క్షేత్రస్థాయిలో అద్భుతమైన ఫలితాలను ఇస్తున్నాయి. గత కొన్నేళ్లుగా ప్రైవేట్ పాఠశాలల వైపు పరిగెత్తిన తల్లిదండ్రులు, విద్యార్థులు ఇప్పుడు రూట్ మార్చి ప్రభుత్వ బడుల వైపు అడుగులు వేస్తున్నారు. మౌలిక వసతుల కల్పన, విద్యా ప్రమాణాలు పెరగడం మరియు ఉపాధ్యాయ నియామకాలపై ప్రభుత్వం ప్రత్యేక శ్రద్ధ పెట్టడంతో రాష్ట్రవ్యాప్తంగా ప్రభుత్వ పాఠశాలలకు పూర్వవైభవం వస్తోంది.
Also Read : నీట్ పరీక్షపై కేంద్రం కీలక నిర్ణయం..!
ఈ విద్యా సంవత్సరం ప్రారంభమైన కేవలం నాలుగు రోజుల్లోనే రాష్ట్రవ్యాప్తంగా ప్రభుత్వ పాఠశాలల్లో ఏకంగా 14,800 కొత్త అడ్మిషన్లు నమోదు కావడం విద్యాశాఖ అధికారులను సైతం ఆశ్చర్యపరిచింది. ప్రైవేట్ పాఠశాలల ఫీజుల భారాన్ని తట్టుకోలేకపోవడం ఒక కారణమైతే, ప్రభుత్వ బడుల్లో లభిస్తున్న నాణ్యమైన విద్యాబోధనపై నమ్మకం పెరగడం మరో ప్రధాన కారణం. ఈ భారీ చేరికలు కూటమి ప్రభుత్వం విద్యా రంగంలో ప్రవేశపెట్టిన పటిష్ట చర్యలకు సజీవ సాక్ష్యంగా నిలుస్తున్నాయి.
Also Read : నిజంగానే జగన్ వెంట్రుక కూడా పీకలేరా.?
తాజాగా విడుదలైన పదో తరగతి ఫలితాల్లో ప్రభుత్వ పాఠశాలల విద్యార్థులు ప్రైవేట్ కార్పొరేట్ స్కూళ్లకు గట్టి పోటీ ఇస్తూ అద్భుతమైన మార్కులు సాధించడంపై రాష్ట్రవ్యాప్తంగా పెద్ద చర్చ నడుస్తోంది. దీనికి తోడు నిరుద్యోగుల చిరకాల స్వప్నమైన మెగా డీఎస్సీ ప్రకటన మరియు విద్యావ్యవస్థలో చేపట్టిన పరిపాలనా సంస్కరణలు ఉపాధ్యాయుల్లో, విద్యార్థుల్లో సరికొత్త ఊపును తీసుకొచ్చాయి. నిపుణులైన ఉపాధ్యాయులు త్వరలోనే బడుల్లోకి అడుగుపెట్టబోతున్నారనే నమ్మకం తల్లిదండ్రుల్లో మరింత పెరిగింది.
Also Read : బైబిల్ డైట్ అంటే ఏంటి..? నిజంగా బరువు తగ్గుతారా..?
ప్రస్తుత విద్యా సంవత్సరంలో ప్రభుత్వ బడుల్లో కొత్త అడ్మిషన్లను కనీసం 10 శాతం పెంచాలనే పక్కా లక్ష్యంతో విద్యాశాఖ యంత్రాంగం పనిచేస్తోంది. ఇందులో భాగంగా క్షేత్రస్థాయిలో అత్యంత వైవిధ్యంగా నిర్వహిస్తున్న ‘బడి పిలుస్తోంది’ ప్రచార కార్యక్రమం పల్లెలు, పట్టణాల్లోని ప్రతి ఇంటికీ చేరువై విశేష స్పందనను రాబడుతోంది. కూటమి ప్రభుత్వ మార్క్ విద్యా సంస్కరణల వల్ల రాబోయే రోజుల్లో సర్కారీ బడుల రూపురేఖలు పూర్తిగా మారిపోనున్నాయని విద్యా రంగ నిపుణులు అభిప్రాయపడుతున్నారు.