పాన్ ఇండియా సినిమా ప్రపంచంలో ఇప్పుడు ఒకటే ఊపు.. ఎక్కడ చూసినా ఇంటెన్స్, రా అండ్ రస్టిక్ యాక్షన్ సినిమాల గురించే చర్చ. కన్నడ రాకింగ్ స్టార్ యశ్ నటిస్తున్న పీరియాడిక్ డ్రగ్ మాఫియా డ్రామా టాక్సిక్ గ్లింప్స్ సోషల్ మీడియాను షేక్ చేస్తుంటే.. అది కాస్తా రెబల్ స్టార్ ప్రభాస్, సెన్సేషనల్ డైరెక్టర్ సందీప్ రెడ్డి వంగా కాంబోలో రాబోతున్న స్పిరిట్ మూవీపై హైప్ను నెక్స్ట్ లెవెల్ కు తీసుకెళ్లింది. అర్జున్ రెడ్డి, యానిమల్ చిత్రాలతో వయలెంట్ కంటెంట్ కు కేరాఫ్ అడ్రస్గా మారిన సందీప్ వంగా.. ప్రభాస్ లాంటి భారీ కటౌట్ను ఏ రేంజ్ వైల్డ్గా ప్రెజెంట్ చేయబోతున్నాడనే క్యూరియాసిటీ ఇండస్ట్రీ వర్గాల్లో గట్టిగా మొదలైంది.
Also Read : వివాహేతర సంబంధాలపై సుప్రీంకోర్టు సంచలన తీర్పు..!
కథల విషయానికి వస్తే.. టాక్సిక్ చిత్రం 1950ల కాలం నాటి గోవా బ్యాక్డ్రాప్లో సాగే డ్రగ్ కార్టెల్ క్రైమ్ డ్రామా కాగా.. స్పిరిట్ మాత్రం నేటి తరం బ్యాక్ డ్రాప్ లో సమాజాన్ని పట్టిపీడించే క్రిమినల్స్ వేటలో పడే ఒక పవర్ ఫుల్ పోలీస్ స్టోరీ. రెండింటిలోనూ హీరోల క్యారెక్టర్లలో విపరీతమైన కోపం, ఇంటెన్సిటీ టన్నుల కొద్దీ ఉండబోతున్నాయి. యశ్ నెగెటివ్ షేడ్స్ ఉన్న డ్రగ్ లార్డ్ గా దుమ్మురేపడానికి సిద్ధమవుతుంటే, ప్రభాస్ ఖాకీ యూనిఫామ్ వేసి వైల్డ్ ఎక్స్పీరియన్స్ ను ఇవ్వబోతున్నాడట.
Also Read : కవిత కొత్త పార్టీకి ఈసీ షాక్..!
సినిమాటిక్ హైలైట్ ఏంటంటే.. స్పిరిట్ యాక్షన్ సీక్వెన్సెస్ కోసం ప్రభాస్ ఎలాంటి బాడీ డబుల్స్ వాడకుండా స్వయంగా రిస్క్ తీసుకుని నటిస్తున్నట్లు టాక్. ఇక గ్లామర్ పరంగా కూడా నెటిజన్లు అప్పుడే అంచనాలు వేసేస్తున్నారు. ‘టాక్సిక్’లో నయనతార, కియారా అద్వానీ లాంటి పాన్ ఇండియా తారాగణం నటిస్తుండగా.. స్పిరిట్ లో నేషనల్ క్రష్ త్రిప్తి దిమ్రిని సందీప్ వంగా ఎంత బోల్డ్గా చూపిస్తాడోనని లెక్కలు వేస్తున్నారు. ఏదేమైనా యశ్ టాక్సిక్ సృష్టించిన ఊపు ప్రభాస్ స్పిరిట్ కు మరింత ప్లస్ అయింది. బాక్సాఫీస్ వద్ద ఈ రెండు భారీ చిత్రాలు ఎలాంటి విధ్వంసం సృష్టిస్తాయో చూడాలి.