ఒకప్పుడు అమెరికాలో ఉద్యోగం చేయాలి అనుకునే వారికి హెచ్ 1 బీ వీసాలు బెస్ట్ ఆప్షన్ గా ఉండేవి. కానీ డోనాల్డ్ ట్రంప్ అధికారంలోకి వచ్చిన తర్వాత మాత్రం పరిస్థితి మారిపోయింది. అమెరికా వీసాలు అంటే భయపడే పరిస్థితి నెలకొంది. ఈ నేపథ్యంలో తాజాగా కీలక పరిణామం చోటు చేసుకుంది. మార్చి 1 నుంచి అమలులోకి వచ్చే హెచ్-1బీ వీసా రూల్స్ తో అనేక ఇమ్మిగ్రేషన్ ప్రయోజనాల కొరకు ప్రీమియం ప్రాసెసింగ్ రుసుములను పెంచుతున్నట్లు అమెరికా ఇమ్మిగ్రేషన్ సర్వీసెస్ ప్రకటించింది.
Also Read : వెనిజులా చమురు భారత్ కు..? అమెరికా సంచలన నిర్ణయం..!
జూన్ 2023 నుండి జూన్ 2025 వరకు ద్రవ్యోల్బణం నేపథ్యంలో.. ప్రీమియం ప్రాసెసింగ్ రుసుమును పెంచినట్లు తెలిపింది. ఈ మార్పులు అమెరికాలో పనిచేస్తున్న లేదా చదువుతున్న భారత పౌరులతో సహా విదేశీ నిపుణులు విస్తృతంగా ఉపయోగించే వారిపై ప్రభావం పడనుంది. సవరించిన ఫీజు షెడ్యూల్ ప్రకారం, హెచ్-2బీ లేదా ఆ -1 వలసేతర స్టేటస్ కోసం ఫారమ్ ఐ-129 పిటిషన్ల ప్రీమియం ప్రాసెసింగ్ ఫీజు 1,685 నుండి 1,780 డాలర్లకు పెరగనుంది.
Also Read : భారత్ కు భయపడుతోన్న బంగ్లా ఆటగాళ్ళు..?
పెరిగిన ఆదాయాన్ని ఏజెన్సీలలో సేవలు మెరుగుపరిచేందుకు వినియోగిస్తామని తెలిపింది. హెచ్ -1బీ , ఎల్ -1, ఓ -1, పీ -1 మరియు టియెన్ వీసాలతో సహా అందుబాటులో ఉన్న అన్ని ఇతర ఫారమ్ ఐ-129 వీసాలకు ప్రీమియం ప్రాసెసింగ్ 2,805 నుండి 2,965 డాలర్లకు పెరుగుతుంది. ఉపాధి ఆధారిత వర్గాలలోని విదేశీ కార్మికుల కోసం ఫారమ్ ఐ-140 పిటిషన్లకు అదే 2,965 డాలర్ల ప్రీమియం ప్రాసెసింగ్ రుసుము వర్తిస్తుంది. గతంలో ఇది 2,805 డాలర్లుగా ఉండేది.
