పశ్చిమ బెంగాల్ రాజకీయాల్లో సరికొత్త అధ్యాయం మొదలైంది. దశాబ్దాల కాలంగా బీజేపీ కంటున్న కల ఎట్టకేలకు నిజమైంది. శ్యామ్ ప్రసాద్ ముఖర్జీ పురిటిగడ్డపై భారతీయ జనతా పార్టీ జైత్రయాత్ర సాగించి, తొలిసారిగా అధికార పీఠాన్ని దక్కించుకుంది. “అంధకారం తొలగిపోతుంది.. సూర్యుడు ఉదయిస్తాడు.. కమలం వికసిస్తుంది” అని నాడు మాజీ ప్రధాని అటల్ బిహారీ వాజపేయి చెప్పిన మాటలు ఇప్పుడు బెంగాల్ లో అక్షర సత్యమయ్యాయి. 2026 అసెంబ్లీ ఎన్నికల్లో సువేందు అధికారి నేతృత్వంలోని బీజేపీ ప్రభంజనం సృష్టించింది.
Also Read : గుడ్లు తింటే జ్ఞాపకశక్తి పెరుగుతుందా..? అల్జీమర్స్ కు మందు..!
తృణమూల్ కాంగ్రెస్ 15 ఏళ్ల ఏకఛత్రాధిపత్యానికి చరమగీతం పాడుతూ బీజేపీ ఘన విజయం సాధించింది. మొత్తం 294 స్థానాలకు గాను 207 సీట్లను కైవసం చేసుకుని, మూడింట రెండొంతుల మెజారిటీతో అధికారాన్ని చేజిక్కించుకుంది. బెంగాల్ బీజేపీలో కీలక నేతగా ఎదిగిన సువేందు అధికారి, మే 9న రాష్ట్ర తొలి బీజేపీ ముఖ్యమంత్రిగా ప్రమాణ స్వీకారం చేయబోతున్నారు. నందిగ్రామ్ వేదికగా మొదలైన ఈ పోరాటం నేడు కోల్కతాలోని రైటర్స్ బిల్డింగ్ వరకు చేరింది.
Also Read : ట్రంప్కు బిగ్ షాక్.. టారిఫ్ లపై కోర్టు కీలక తీర్పు..!
ప్రధాని నరేంద్ర మోదీ, కేంద్ర మంత్రి అమిత్ షా సమక్షంలో జరగనున్న ఈ ప్రమాణ స్వీకారోత్సవం ఒక చారిత్రక ఘట్టంగా నిలిచిపోనుంది. 1980లో బీజేపీ ఆవిర్భావం సమయంలో వాజపేయి చేసిన ప్రసంగం నేటికీ కార్యకర్తల్లో ఉత్సాహాన్ని నింపుతుంది. బెంగాల్ లో పార్టీ గెలుపు అనేది కేవలం ఒక ఎన్నికల విజయం మాత్రమే కాదని, వాజపేయి, అద్వానీల వంటి మహనీయుల ఆశయాలకు దక్కిన గౌరవమని పార్టీ శ్రేణులు అభివర్ణిస్తున్నాయి. ముఖర్జీ కలలుగన్న సోనార్ బంగ్లా.. అంటే బంగారు బెంగాల్ నిర్మాణానికి ఈ విజయం పునాది అని మోదీ పేర్కొన్నారు.