టీమిండియా మాజీ కెప్టెన్ మహేంద్ర సింగ్ ధోనీ, వికెట్ కీపర్ బ్యాటర్ రిషభ్ పంత్ కలిసి లండన్లో ఎంజాయ్ చేస్తున్న ఒక పార్టీ వీడియో ప్రస్తుతం సోషల్ మీడియాలో విపరీతంగా ట్రెండ్ అవుతోంది. శ్రీలంకతో జరిగిన టెస్ట్ సిరీస్ విజయం తర్వాత రిషభ్ పంత్ తన స్నేహితులు, ధోనీతో కలిసి ఒక గదిలో డ్యాన్స్ చేస్తూ, పార్టీ చేసుకుంటున్న విజువల్స్ నెటిజన్లను విపరీతంగా ఆకట్టుకుంటున్నాయి. అయితే, ఈ సరదా వీడియో కాస్తా ఇప్పుడు ధోనీకి సంబంధించిన ఒక పాత అలవాటుపై సోషల్ మీడియాలో సరికొత్త చర్చకు దారితీసింది.
Also Read : జనసేన యూత్ విభాగం లాంచ్.. పేరు ఇదే..!
ఈ వైరల్ వీడియోలో ఒకానొక సందర్భంలో ధోనీ వచ్చి రిషభ్ పంత్ చెవిలో ఏదో గుసగుసలాడటం కనిపిస్తుంది. ఆ వెంటనే బ్యాక్గ్రౌండ్లో “జర హుక్కా పీకే ఆతా హూ” అనే మాట స్పష్టంగా వినిపించింది. ఈ కామెంట్ చేసింది ఎవరో స్వతంత్రంగా నిర్ధారణ కానప్పటికీ, నెటిజన్లు మాత్రం ఆ వాయిస్ ధోనీదేనంటూ సోషల్ మీడియాలో పోస్టులు పెడుతున్నారు. గతంలో ఆస్ట్రేలియా మాజీ కెప్టెన్ జార్జ్ బెయిలీ కూడా ధోనీకి హుక్కా లేదా శీషా తాగే అలవాటు ఉందని, యంగ్ ప్లేయర్స్ కోసం ఆయన రూమ్ తలుపులు ఎప్పుడూ తెరిచే ఉంటాయని చెప్పిన పాత వ్యాఖ్యలను ఈ సందర్భంగా ఫ్యాన్స్ గుర్తుచేస్తున్నారు.
Also Read : ఢిల్లీలో మంతనాలు.. తెలంగాణ కాంగ్రెస్లో గుబులు..!
మరోవైపు, ఈ లండన్ టూర్ విరామానికి ముందే రిషభ్ పంత్ శ్రీలంకతో జరిగిన టెస్ట్ మ్యాచ్ల్లో సరికొత్త రికార్డులను తిరగరాశాడు. విదేశీ లేదా న్యూట్రల్ వేదికలపై టెస్ట్ క్రికెట్లో అత్యధిక పరుగులు చేసిన భారత వికెట్ కీపర్గా మహేంద్ర సింగ్ ధోనీ (2,496 పరుగులు) పేరిట ఉన్న రికార్డును పంత్ (2,534 పరుగులతో) అధిగమించాడు. అంతేకాకుండా, టెస్ట్ క్రికెట్ చరిత్రలో అత్యధిక సిక్సర్లు బాదిన వికెట్ కీపర్ల జాబితాలో ఆడమ్ గిల్క్రిస్ట్ను వెనక్కి నెట్టి పంత్ మూడో స్థానానికి చేరుకోవడం విశేషం. ఈ రికార్డుల జాతర తర్వాత ధోనీ, పంత్ ఒకే ఫ్రేమ్లో కనిపించడంతో క్రికెట్ ఫ్యాన్స్ ఈ వీడియోను నెట్టింట ఓ రేంజ్ లో వైరల్ చేస్తున్నారు.