రెబల్ స్టార్ ప్రభాస్ అభిమానులు ఎప్పుడెప్పుడా అని ఎదురుచూస్తున్న చిత్రం ఫౌజీ. సీతారామం వంటి క్లాసిక్ హిట్ అందించిన హను రాఘవపూడి దర్శకత్వంలో తెరకెక్కుతున్న ఈ సినిమాపై అంచనాలు భారీగా ఉన్నాయి. అయితే, తాజాగా ఈ సినిమా షూటింగ్, కాస్టింగ్ విషయంలో దర్శకుడు ఒక అదిరిపోయే ప్లాన్ సిద్ధం చేసినట్లు తెలుస్తోంది. ఈ సినిమాలో ఒక కీలక పాత్ర కోసం లేదా ప్రమోషన్ల కోసం రాయల్ ఛాలెంజర్స్ బెంగళూరు టీమ్ తో ఒక ఇంట్రెస్టింగ్ కనెక్షన్ ను హను ప్లాన్ చేస్తున్నట్లు సమాచారం.
#Also Read : మెగా కాంపౌండ్పై ఎందుకింత కుట్ర..?
ఇది నిజమైతే సోషల్ మీడియాలో ప్రభాస్ అభిమానులతో పాటు క్రికెట్ ప్రేమికులకు కూడా పండగే. అయితే ఇది కేవలం క్యామియో రోల్ కోసమా లేదా పబ్లిసిటీ స్టంట్ కోసమా అనేది సస్పెన్స్గా మారింది. ఇది 1940ల నాటి నేపథ్యంలో సాగే పీరియడ్ వార్ డ్రామా. రెండో ప్రపంచ యుద్ధం కాలంలో ఒక సైనికుడికి, ఒక యువతికి మధ్య సాగే అందమైన ప్రేమకథను హను చాలా గ్రాండ్ గా ప్లాన్ చేస్తున్నారు. దీని కోసం భారీ సెట్లు సిద్ధం చేయడమే కాకుండా, విదేశాల్లో కూడా కీలక షెడ్యూల్స్ ప్లాన్ చేశారు.
#Also Read : నెల రోజుల్లో బాక్సాఫీస్ వద్ద దురంధర్ 2 రచ్చ రచ్చ..!
ఈ సినిమాలో ప్రభాస్ మునుపెన్నడూ చూడని విధంగా క్లీన్ షేవ్, పీరియడ్ లుక్ లో కనిపిస్తాడని తెలుస్తోంది. యాక్షన్ కింగ్ మాత్రమే కాదు, డార్లింగ్ కాలం నాటి లవర్ బాయ్ ప్రభాస్ ను మళ్ళీ చూపించడమే హను లక్ష్యంగా పెట్టుకున్నాడు. ఇక ఈ చిత్రానికి మ్యూజిక్ సెన్సేషన్ విశాల్ చంద్రశేఖర్ అద్భుతమైన ట్యూన్స్ సిద్ధం చేస్తున్నారట. ఒక సైనికుడిగా, దేశం కోసం పోరాడే వైల్డ్ మ్యాన్ గా ఫౌజీలో చూడబోతున్నారనేలా సినిమా యూనిట్ హింట్ ఇచ్చింది.