అమెరికా మిడ్‌టర్మ్ ఎన్నికల్లో రిపబ్లికన్ పార్టీ ఎదుర్కొన్న దారుణ ఓటమిపై ఆ దేశ అధ్యక్షుడు డోనాల్డ్ ట్రంప్ ఘాటుగా స్పందించారు. ఈ ఎన్నికల ఫలితాల వల్ల అమెరికా తన చరిత్రలో ఒక పెద్ద వెనకడుగు వేసిందని ఆయన వ్యాఖ్యానించారు. గత మంగళవారం జరిగిన ఈ ఎన్నికల్లో డెమొక్రాట్లు కాంగ్రెస్‌లోని రెండు సభలపై.. హౌస్ ఆఫ్ రిప్రజెంటేటివ్స్, సెనేట్ పట్టు సాధించడమే కాకుండా, దశాబ్దాలుగా రిపబ్లికన్ల కంచుకోటలుగా ఉన్న రాష్ట్రాల్లో కూడా చారిత్రాత్మక విజయాలను నమోదు చేశారు.
Also Read : ఏపీలో మరో ఎన్నికల సందడి.. సర్కార్ గ్రీన్ సిగ్నల్..!
ఈ ఓటమిపై తన సోషల్ మీడియా ప్లాట్‌ఫారమ్ ట్రూత్ సోషల్ వేదికగా స్పందించిన ట్రంప్ తీవ్ర అసంతృప్తిని వ్యక్తం చేశారు. తన హయాంలో ఎంతో వృద్ధి చెందిన స్టాక్ మార్కెట్, ఈ ఎన్నికల ఓటమి ఫలితంగా నష్టాలను చవిచూసిందని ఆయన పేర్కొన్నారు. అయితే ఈ తిరోగమనానికి ఎవరూ భయపడాల్సిన అవసరం లేదని, తాము గతంలో కంటే మరింత బలంగా, భారీ స్థాయిలో తిరిగి పుంజుకుంటామని ట్రంప్ ఓడిపోయిన అభ్యర్ధులకు బాధితులకు, మద్దతుదారులకు భరోసా ఇచ్చారు.
Also Read : న్యోమాలో అద్భుత ల్యాండింగ్.. చరిత్ర సృష్టించిన వాయుసేన!
మరోవైపు రిపబ్లికన్ పార్టీ నేతలు ఈ ఓటమి భారంతో ఉన్నప్పటికీ, ట్రంప్ మాత్రం తన దూకుడును తగ్గించడం లేదు. ఎన్నికల ఫలితాలు వచ్చిన వెంటనే ఆయన తన కఠినమైన వలస విధానాల రూపశిల్పి, కీలక సలహాదారు అయిన స్టీఫెన్ మిల్లర్‌ను కొత్త చీఫ్ ఆఫ్ స్టాఫ్‌గా నియమించారు. ఈ నియామకం ద్వారా భవిష్యత్తులో డెమొక్రాట్లతో మరింత కఠినమైన పోరాటానికి తాను సిద్ధంగా ఉన్నాననే సంకేతాలను ట్రంప్ పంపారు. దీనికి ప్రతిగా డెమొక్రాట్లు కూడా ట్రంప్ పరిపాలనను ప్రతి అడుగులోనూ అడ్డుకుంటామని, వారిని జవాబుదారీగా ఉంచుతామని స్పష్టం చేశారు.
