ఆంధ్రప్రదేశ్ ప్రభుత్వ ఉద్యోగులకు రాష్ట్ర ప్రభుత్వం మరో కీలక వెసులుబాటు కల్పించింది. కాంట్రిబ్యూటరీ పెన్షన్ స్కీమ్ నుంచి పాత పెన్షన్ విధానానికి మారేందుకు అర్హులైన ఉద్యోగులకు అవకాశం కల్పిస్తూ ఆర్థిక శాఖ తాజాగా సమగ్ర మార్గదర్శకాలను జారీ చేసింది. గతంలో ప్రకటించిన విధానానికి సంబంధించి ఈ తాజా విధివిధానాలను ప్రభుత్వం అధికారికంగా వెల్లడించింది. ఈ మార్గదర్శకాల ప్రకారం, 01-09-2004 కంటే ముందు రిక్రూట్‌మెంట్ నోటిఫికేషన్ జరిగి..
Also Read : క్యాన్సర్ రోగులకు కేంద్రం బిగ్ రిలీఫ్..!
ఆ తర్వాత సర్వీసులో చేరి ప్రస్తుతం సీపీఎస్ పరిధిలో ఉన్న ఉద్యోగులందరూ ఓపీఎస్‌లోకి మారడానికి పూర్తిగా అర్హులు. కేవలం ప్రస్తుతం సర్వీస్‌లో ఉన్న ఉద్యోగులకే కాకుండా, అర్హత కలిగి ఇప్పటికే రిటైర్ అయిన ఉద్యోగులకు మరియు సర్వీస్‌లో ఉండగా మరణించిన ఉద్యోగుల కుటుంబ పెన్షన్ లబ్ధిదారులకు కూడా ఈ వెసులుబాటు కల్పించడం విశేషం. సీపీఎస్ నుంచి ఓపీఎస్‌కు విజయవంతంగా మారే ఉద్యోగులందరికీ భవిష్యత్తులో ‘ఆంధ్రప్రదేశ్ రివైజ్డ్ పెన్షన్ రూల్స్-1980’ పూర్తిగా వర్తిస్తాయని ప్రభుత్వం స్పష్టం చేసింది.
Also Read : ఓట్ల శాతం, సీట్ల వివరాలపై చంద్రబాబు కీలక ప్రకటన..!
అయితే, ఈ మార్పు కోరుకునే అర్హులైన వారు తప్పనిసరిగా ఆన్‌లైన్ ద్వారా ‘నిధి’ పోర్టల్ ద్వారా మాత్రమే తమ ఆప్షన్‌ను నమోదు చేసుకోవాల్సి ఉంటుంది. ఈ ప్రక్రియ కోసం ప్రభుత్వం గడువును కూడా స్పష్టం చేసింది. అర్హులైన వారు ఎవరైనా సరే 2026 డిసెంబర్ 31 లోపు నిధి పోర్టల్‌లో తమ దరఖాస్తులను సమర్పించాలని ఆదేశాల్లో పేర్కొన్నారు. ఉద్యోగులు ఈ అవకాశాన్ని సద్వినియోగం చేసుకుని గడువులోగా దరఖాస్తు చేసుకోవాలని అధికారులు సూచించారు.
