దేశంలో, రాష్ట్రంలో వేళ్లూనుకుపోయిన అవినీతిని సమూలంగా నిర్మూలించాలంటే కరెన్సీ విధానంలోనూ, ఆర్థిక వ్యవస్థలోనూ విప్లవాత్మక మార్పులు రావాలని ఆంధ్రప్రదేశ్ ముఖ్యమంత్రి చంద్రబాబు నాయుడు స్పష్టం చేశారు. ఆర్థిక లావాదేవీల్లో సంపూర్ణ పారదర్శకత తీసుకువచ్చేందుకు డిజిటల్ కరెన్సీ వాడకాన్ని దేశవ్యాప్తంగా పెద్ద ఎత్తున ప్రోత్సహించాలని ఆయన ఆకాంక్షించారు. ఈ సందర్భంగా అవినీతి కట్టడికి సంబంధించి సీఎం చంద్రబాబు పలు కీలక ప్రతిపాదనలు తెరపైకి తెచ్చారు.
Also Read : బ్రేకింగ్: ఉద్యోగులకు చంద్రబాబు సర్కార్ గుడ్ న్యూస్..!
మార్కెట్లో నల్లధనం చలామణిని, అక్రమ సంపాదనను పూర్తిగా అడ్డుకోవడానికి రూ.500 నోట్లను పూర్తిగా రద్దు చేయాలని ఆయన అభిప్రాయం వ్యక్తం చేశారు. పెద్ద నోట్ల చెలామణిని తగ్గించి, కేవలం రూ.100 మరియు రూ.200 నోట్లను మాత్రమే అందుబాటులో ఉంచాలని ఆయన సూచించారు. చిన్న నోట్లతో పాటు డిజిటల్ లావాదేవీలను ప్రోత్సహిస్తేనే రాజకీయాల్లో, ఎన్నికల్లో, ప్రభుత్వ వ్యవస్థల్లో జరిగే అవినీతికి శాశ్వత అడ్డుకట్ట పడుతుందని ఆయన పునరుద్ఘాటించారు. డిజిటల్ కరెన్సీ వినియోగం పెరగడం వల్ల ప్రతి రూపాయికి లెక్క ఉంటుందని తెలిపారు.
Also Read : ఓట్ల శాతం, సీట్ల వివరాలపై చంద్రబాబు కీలక ప్రకటన..!
తద్వారా అక్రమాలకు ఆస్కారం ఉండదని చంద్రబాబు పేర్కొన్నారు. ఈ విధానం అమల్లోకి వస్తే సామాన్యులకు సైతం ఆర్థిక భద్రత పెరుగుతుందని, ప్రభుత్వ పథకాల నిధులు నేరుగా అర్హులకు ఎలాంటి లీకేజీలు లేకుండా చేరుతాయని ఆయన వివరించారు. రాబోయే కాలంలో దేశం ఆర్థికంగా మరింత బలపడాలంటే నగదు రహిత లావాదేవీల వైపే ప్రతి ఒక్కరూ అడుగులు వేయాలని ఆయన పిలుపునిచ్చారు. అవినీతి రహిత సమాజ స్థాపనే లక్ష్యంగా కేంద్ర ప్రభుత్వం తీసుకునే ఏ చర్యనైనా తాము సంపూర్ణంగా స్వాగతిస్తామని, ఈ దిశగా మరింత కఠినమైన ఆర్థిక సంస్కరణలు రావాల్సిన అవసరం ఉందని ఆయన అభిప్రాయపడ్డారు.
