భారత యువ ఓపెనర్ అభిషేక్ శర్మ అంతర్జాతీయ టీ20 క్రికెట్‌లో ఒకే వారంలో రెండు భిన్నమైన రికార్డులను తన ఖాతాలో వేసుకున్నాడు. అఫ్గానిస్తాన్‌తో జరిగిన గత మ్యాచ్‌లో కేవలం 30 బంతుల్లోనే శతకం బాది సరికొత్త చరిత్ర సృష్టించిన ఈ లెఫ్ట్ హ్యాండ్ బ్యాటర్, జపాన్‌తో మంగళవారం జరిగిన టీ20 మ్యాచ్‌లో ఘోరంగా విఫలమయ్యాడు. సానే వేదికగా జరిగిన ఈ పోరులో జపాన్ ఆల్‌రౌండర్ చార్లీ హరా హింజే వేసిన బంతికి ఎదుర్కొన్న తొలి బంతికే అవుటైన అభిషేక్, అభిమానులను నిరాశ పరిచాడు.
Also Read : జగన్‌కు ఊహించని షాక్ ఇస్తున్న లోకేష్..!
ఒక అద్భుతమైన ఇన్నింగ్స్ ఆడిన కొద్దిరోజులకే ఇలాంటి దారుణమైన ప్రదర్శన చేయడంతో సోషల్ మీడియాలో సైతం ఈ విషయంపై పెద్ద ఎత్తున చర్చ నడుస్తోంది. అఫ్గాన్‌పై సిక్సర్ల వర్షం కురిపించిన నయా సంచలనం, జపాన్ బౌలింగ్ ముందర కనీసం ఖాతా తెరవకుండానే వెనుతిరగడం క్రీడా వర్గాలను విస్మయానికి గురిచేసింది. జపాన్‌తో జరిగిన ఈ మ్యాచ్‌లో డకౌట్ అవ్వడం ద్వారా అభిషేక్ శర్మ తన పేరిట అన్‌వాంటెడ్ రికార్డును లిఖించుకున్నాడు.
Also Read : అమరావతికి క్యూ కడుతున్న ప్రతిష్ఠాత్మక సంస్థలు..!
అంతర్జాతీయ టీ20 క్రికెట్ చరిత్రలో ఒకే క్యాలెండర్ ఇయర్ లో అత్యధిక సార్లు సున్నా పరుగులకే అవుటైన బ్యాటర్‌గా అతడు నిలిచాడు. 2026 సంవత్సరంలో ఇప్పటివరకు అభిషేక్ శర్మ ఏకంగా 10 సార్లు డకౌట్‌గా వెనుతిరిగి ఈ చెత్త రికార్డును సొంతం చేసుకోవడం గమనార్హం. అంతకుముందు 2019లో ఆఫ్ఘనిస్తాన్ స్టార్ రషీద్ ఖాన్, అలాగే 2024లో పాకిస్తాన్ ఆటగాడు షాదాబ్ ఖాన్ చెరో 9 సార్లు డకౌట్ అయి సంయుక్తంగా అగ్రస్థానంలో ఉండేవారు. ఇప్పుడు వారిద్దరి రికార్డులను అధిగమించి, టీ20 క్రికెట్ చరిత్రలో ఒకే ఏడాదిలో 10 సార్లు డకౌటైన ఏకైక తొలి ప్లేయర్‌గా అభిషేక్ శర్మ చరిత్ర సృష్టించాడు.
