వైఎస్సార్ కడప జిల్లా పులివెందుల నియోజకవర్గంలో తెలుగుదేశం పార్టీ చారిత్రక విజయాన్ని నమోదు చేసి రాజకీయంగా సరికొత్త అధ్యాయాన్ని లిఖించింది. వైఎస్సార్ కాంగ్రెస్ పార్టీకి తిరుగులేని కోటగా చెప్పుకునే పులివెందుల జెడ్పీటీసీ స్థానంలో టీడీపీ అభ్యర్థి ఘన విజయం సాధించారు. హోరాహోరీగా సాగిన ఓట్ల లెక్కింపు ప్రక్రియలో టీడీపీ అభ్యర్థి భారతి 1,463 ఓట్ల స్పష్టమైన మెజారిటీతో ప్రత్యర్థిపై విజయం సాధించి పులివెందుల పీఠంపై పసుపు జెండాను ఎగురవేశారు. రాజకీయంగా అత్యంత ప్రాధాన్యత సంతరించుకున్న ఈ ఎన్నికల్లో.. పోలింగ్ రోజున నాటికియ పరిణామాలు చోటు చేసుకున్న సంగతి తెలిసిందే.
Also Read : వివాదాస్పదంగా మారిన మేడం గారి శాఖ..!
ఈ విజయం ఊహించని పరిణామం కాగా, పులివెందులలో టీడీపీ వరుసగా రెండవసారి జెడ్పీటీసీ స్థానాన్ని కైవసం చేసుకోవడం విశేషం. గతంలో జరిగిన పులివెందుల జెడ్పీటీసీ ఉపఎన్నికల్లో కూడా తెలుగుదేశం పార్టీ అభ్యర్థి.. వైఎస్సార్‌సీపీ అభ్యర్థిపై విజయం సాధించి రికార్డు సృష్టించారు. ఇప్పుడు జరిగిన సాధారణ స్థానిక సంస్థల పోరులోనూ అదే విజయ పరంపరను కొనసాగిస్తూ, వరుసగా రెండో విజయాన్ని నమోదు చేసుకుని పులివెందులలో టీడీపీ సంచలనం సృష్టించింది.
Also Read : ఆ రూ.14.20 కోట్ల ప్లేయర్‌ను వదలొద్దు..!
వైఎస్ జగన్‌మోహన్‌రెడ్డి సొంత నియోజకవర్గమైన పులివెందులలో ఓట్ల లెక్కింపు వరకు తీవ్ర ఉత్కంఠ నెలకొంది. బూత్ ఆక్రమణలు, అక్రమాలు జరిగాయంటూ వైఎస్ జగన్ నేరుగా ఆర్వో కార్యాలయం వద్ద నిరసనకు దిగి, రీ-పోలింగ్‌కు డిమాండ్ చేసిన సంగతి తెలిసిందే. అయితే, ఈ వివాదాలు మరియు ఉద్రిక్తతల నడుమ వెలువడిన ఫలితాల్లో టీడీపీ అభ్యర్థి వరుసగా రెండోసారి పీఠాన్ని దక్కించుకోవడం కూటమి వర్గాల్లో ఉత్సాహాన్ని నింపగా, వైఎస్సార్‌సీపీ వర్గాలకు మాత్రం మింగుడుపడని పరిణామంగా మారింది.
