సినీ లవర్స్కు ప్రతీ శుక్రవారం ఓ పండుగలా ఉంటుంది. అయితే కొన్ని వారాలు చప్పగా సాగితే.. కొన్ని వారాలు అద్భుతమైన సినిమాలతో హాయిగా గడుస్తుంటుంది. ఇక ఇప్పుడు ఈ వారం ఓ మూడు సినిమాలపై అందరి దృష్టి పడింది. అందులో విశ్వక్ సేన్ గామి, గోపీచంద్ భీమా, మలయాళీ సినిమా ప్రేమలు అందరినీ ఆకట్టుకునేలా ఉన్నాయి. ఆల్రెడీ గామి సినిమా హాలీవుడ్ లెవెల్లో ఉందని అంతా ప్రశంసిస్తున్నారు. టీజర్, ట్రైలర్ అందరినీ మెప్పించాయి. భీమాతో ఈ సారి గోపీచంద్ హిట్టు కొడతాడని అంతా అనుకుంటున్నారు.
మలయాళంలో ఈ ఏడాది బ్లాక్ బస్టర్లు వరుసగా వస్తున్నాయి. అక్కడ సినిమాలు హాట్ టాపిక్ అవుతున్నాయి. హైద్రాబాద్ నేపథ్యంలో తీసిన న్యూ ఏజ్ లవ్ స్టోరీ ప్రేమలు అక్కడ బ్లాక్ బస్టర్ అయింది. అందుకే ఈ చిత్రాన్ని తెలుగులో డబ్ చేసేందుకు సిద్దమయ్యారు. ఎస్ ఎస్ కార్తికేయ ఈ చిత్రాన్ని తెలుగులో మార్చి 8న రిలీజ్ చేస్తున్నారు. ఇప్పటికే ఈ చిత్రంపై యూత్లో మంచి బజ్ క్రియేట్ అయింది. తెలుగు ట్రైలర్ కూడా చాాలా ఫన్నీగా ఉంది. దీంతో ప్రేమలు మూవీ కోసం యూత్ ఆడియెన్స్ వెయిట్ చేస్తున్నారు.
విశ్వక్ సేన్ అయితే గత ఆరేళ్లుగా గామి కోసం కష్టపడుతున్నాడు. 2018లో సినిమా ప్రారంభమైందట. మెల్లిమెల్లిగా షూటింగ్ చేస్తూ.. అన్ని అడ్డంకులు తొలగించుకుంటూ ఇప్పుడు థియేటర్లోకి తీసుకొస్తున్నారు. గామి సినిమా టీజర్ ట్రైలర్ చూసి అసలు ఇది తెలుగు మూవీనా? అని అంతా షాక్ అవుతున్నారు. హాలీవుడ్ రేంజ్ విజువల్స్, ఆర్ఆర్ను గామిలో చూపించారు. ఇదొక డిఫరెంట్ ఎక్స్పీరియెన్స్ ఇస్తుందని ఆడియెన్స్ ఫిక్స్ అయ్యారు.
ఇక గోపీచంద్ చాలా కాలం తరువాత ఈ రేంజ్ బజ్, హైప్ను క్రియేట్ చేశాడు. భీమా సినిమాతో గోపీచంద్ కమ్ బ్యాక్ ఇస్తాడని అంతా అనుకుంటున్నారు. భీమా టీజర్, ట్రైలర్ చూస్తే మాత్రం ఏదో కొత్త ప్రపంచంలోకి తీసుకెళ్తున్నట్టుగా అనిపిస్తుంది. ఆ మ్యూజిక్, ఆర్ఆర్, యాక్షన్ సీక్వెన్స్ అన్నీ కూడా మాస్ ఆడియెన్స్కు కిక్కిచ్చేలా ఉండబోతోన్నాయనిపిస్తోంది. ఇవి కాకుండా కొన్ని చిన్నాచితకా చిత్రాలు కూడా వస్తున్నాయి. కానీ మార్చి 8న మాత్రం ఈ మూడు సినిమాల మీద అందరి ఫోకస్ పడింది.