అరుదైన వ్యాధులతో ప్రాణాపాయ స్థితిలో కొట్టుమిట్టాడుతున్న చిన్నారులను ఆదుకునేందుకు ఆంధ్రప్రదేశ్ ప్రభుత్వం ఒక చారిత్రాత్మక అడుగు వేసింది. ఇలాంటి వ్యాధుల బారిన పడిన పిల్లలకు మరియు వారి కుటుంబాలకు అండగా నిలిచేందుకు ఒక సమగ్ర విధానాన్ని రూపొందిస్తున్నట్లు రాష్ట్ర ఐటీ, విద్యాశాఖ మంత్రి నారా లోకేష్ వెల్లడించారు. ఈ విధానం ద్వారా బాధితులకు మెరుగైన వైద్యం, ప్రభుత్వం నుంచి అవసరమైన ఆర్థిక మరియు మానసిక మద్దతు లభించనుంది.
Also Read : బీసీసీఐపై గవాస్కర్ సంచలన కామెంట్స్..!
ఇటీవల అరుదైన వ్యాధితో పోరాడుతున్న చిన్నారి పునర్విక, ఆమె కుటుంబం పడుతున్న వేదన, వారి వీరోచిత పోరాటం తనను తీవ్రంగా ఆలోచింపజేసిందని మంత్రి లోకేష్ ఈ సందర్భంగా గుర్తుచేసుకున్నారు. ఏ తల్లీదండ్రులూ తమ పిల్లల ప్రాణాల కోసం ఇలాంటి నిస్సహాయ స్థితిని ఎదుర్కోకూడదనే ఉద్దేశంతోనే ఈ నూతన పాలసీకి శ్రీకారం చుట్టినట్లు ఆయన తెలిపారు. ఈ సమగ్ర విధానాన్ని అత్యంత సమర్థవంతంగా రూపొందించడం కోసం ప్రభుత్వం అన్ని వర్గాల అభిప్రాయాలను సేకరిస్తోంది.
Also Read : కోనసీమలో రైలు కూత ఎప్పుడు వినిపిస్తుంది..?
ఇందులో భాగంగా ప్రముఖ వైద్యులు, వైద్య పరిశోధకులు, బాధితుల కుటుంబాలు మరియు స్వచ్ఛంద సంస్థల ప్రతినిధులతో ఉన్నత స్థాయి చర్చలు జరుపుతున్నారు. అందరి సూచనలతో లోపాలు లేని ఒక అత్యుత్తమ విధానాన్ని తీసుకురావడమే ప్రభుత్వ లక్ష్యం. ఈ నూతన విధానంలో భాగంగా వ్యాధులను ప్రాథమిక దశలోనే గుర్తించడం, బాధితుల వివరాల కోసం ప్రత్యేక పేషెంట్ రిజిస్ట్రీలు ఏర్పాటు చేయడం, అత్యాధునిక చికిత్సల కోసం ప్రత్యేక సెంటర్స్ ఆఫ్ ఎక్సలెన్స్ ను నిర్మించడం వంటి కీలక లక్ష్యాలను నిర్దేశించుకున్నారు. కేవలం వైద్యమే కాకుండా, పరిశోధనలు మరియు బాధితులకు దీర్ఘకాలిక సహాయం అందించేలా ప్రత్యేక ప్రణాళికలు సిద్ధం చేస్తున్నారు. ఈ నిర్ణయం తీసుకున్న తొలి రాష్ట్రంగా ఏపీ నిలిచింది.