వారం రోజులు పైగా ఒకటే టాపిక్ ఇప్పుడు సోషల్ మీడియాలో వైరల్గా మారింది. అదే శివాజీ చేసిన సామాన్లు వ్యాఖ్య. దీనిపై యాంకర్ అనసూయ స్పందించిన తర్వాత.. ఆ తర్వాత శివాజీ కౌంటర్.. ఈ వ్యవహారం మొత్తం పెద్ద దుమారం రేపుతోంది. నిజానికి శివాజీ ఎవర్నో ఒకళ్లను దృష్టిలో పెట్టుకుని ఈ వ్యాఖ్యలు చేయలేదు. కానీ ఆ తర్వాత అనసూయ మాత్రం శివాజీని టార్గెట్ చేసుకుని వ్యాఖ్యానించిన తీరుపై విమర్శలు వెల్లువెత్తుతున్నాయి. ఛానల్స్లో స్పెషల్ డిబేట్ కూడా పెడుతున్నారు. ఇక ఈ వివాదానికి ముగింపు పలకాలని శివాజీ కోరినప్పటికీ.. నెటిజన్లు, మహిళలు అనసూయను టార్గెట్ చేస్తున్నారు. దీంతో ఇప్పటికే సోషల్ మీడియాలో పలు పోస్టులు పెట్టిన అనసూయ.. తాజాగా మరోసారి నెటిజన్లపై తీవ్ర ఆగ్రహం వ్యక్తం చేస్తున్నారు.
Also Read : రాజాసాబ్ ఫ్యాన్స్ కు వంగా న్యూ ఇయర్ గిఫ్ట్..??
ఇన్స్టా వేదికగా సుదీర్ఘ పోస్ట్ పెట్టిన అనసూయ.. కొన్ని ఘాటు వ్యాఖ్యలు కూడా చేశారు. “ఈ విషయాన్ని నేను స్పష్టంగా, పూర్తిగా, స్పష్టంగా చెప్పాలనుకుంటున్నాను.” అంటూ తన పోస్టు మొదలుపెట్టారు. “కొన్ని రాబందులు.. కొన్ని బాధ్యతారహిత మీడియా సంస్థలు, స్మార్ట్ఫోన్లు, మైక్రోఫోన్లతో సాయుధమైన కొంతమంది పౌర నిరక్షరాస్యులు.. ఉద్దేశపూర్వకంగా నా మాటలను వక్రీకరించి, వారి సౌలభ్యం కోసం మోసపూరిత కథనాలను సృష్టించారు. ఈ కథనాలు సాధారణ పురుషులు, స్త్రీలను రెచ్చగొట్టడానికి, గందరగోళానికి గురిచేయడానికి, తప్పుదారి పట్టించడానికి రూపొందించబడ్డాయి. నేను చాలా స్పష్టంగా చెప్పాలి.. స్త్రీలు పాశ్చాత్య దుస్తులు ధరించాలని నేను బోధించలేదు. నాలాగే దుస్తులు ధరించమని నేను ఎవరినీ అడగలేదు. నా ఎంపికలను నేను ఎవరిపైనా రుద్దలేదు. నేను చెప్పింది ఒకటే.. ప్రతి స్త్రీ తాను ఏమి ధరించాలనుకుంటున్నారో ఎంచుకునే స్వేచ్ఛకు అర్హురాలు. నేను దానికి కట్టుబడి ఉన్నాను.
నా మాటలను వక్రీకరించారు, నా ఉద్దేశ్యాన్ని తప్పుగా చూపించారు, నన్ను మాత్రమే కాకుండా నా భర్తను, నా పిల్లలను కూడా అవమానించడానికి ఒక విషపూరిత కథనం నిర్మించారు. వారికి ఈ సంభాషణతో ఎటువంటి సంబంధం లేదు. నేను ఎలా దుస్తులు ధరించాలో ఎంచుకుంటాను.. అనే దాని ఆధారంగానే పురుషులను, ఆందోళనకరంగా… ఎక్కువగా మహిళలను, నా వ్యక్తిత్వాన్ని, నా నైతికతను, ఒక స్త్రీగా, తల్లిగా నా విలువను ప్రశ్నించేలా రెచ్చగొట్టడం.. దానిని తెలియజేయండి.. జరుగుతున్న ప్రతిదాని గురించి నాకు పూర్తిగా తెలుసు. బాధితురాలిని అవమానించడం నన్ను నిర్వచించడానికి లేదా ప్రభావితం చేయడానికి నేను నిరాకరిస్తున్నాను. నేను ధైర్యంగా ఉన్నాను. మరింత ధైరంతో ఉంటాను.
Also Read : టీడీపీ మహిళా ఎమ్మెల్యే స్పీడ్.. ఫిదా అయిపోయిన క్యాడర్
కానీ ఇది చదువుతున్న ప్రతి ఒక్కరినీ నేను కోరుతున్నాను.. మేల్కొనండి.. మీ చుట్టూ నిజంగా ఏం జరుగుతుందో పునరాలోచించడానికి ఈ కొత్త రోజును ఉపయోగించుకోండి. పుకార్లకు మోసపోకండి. పంజరంలో చిలుకలు కావద్దు. తోలుబొమ్మలుగా మారకండి. మీ స్వంత ఆలోచనలు చేయండి. మీ గొంతును వినిపించండి. మిమ్మల్ని తప్పుడు మార్గంలో తీసుకెళ్తున్న వారిని ప్రశ్నించండి. ఎందుకంటే ఇది దుస్తుల గురించి కాదు. ఇది నియంత్రణ గురించి. ఇది లోతుగా పాతుకుపోయిన పితృస్వామ్య మనస్తత్వం గురించి. ఇది ఇప్పటికీ ఆలోచించే, ఎంచుకునే, తమ కోసం మాట్లాడే మహిళల పట్ల భయపడుతుంది. ఇలాంటి వారిని ఎదిరించి నిలబడినందుకు నేను ఎప్పటికీ క్షమాపణ చెప్పను.
ఇవన్నీ స్పష్టం చేసినప్పటికీ, మీరు ఇప్పటికీ అదే ప్రవర్తనను కొనసాగించాలని ఎంచుకుంటే.. ప్రియమైన ద్వేషులారా, మిమ్మల్ని మోసం చేయడానికి నా దగ్గర ఇంకా చాలా ఉన్నాయి. ఓపిక పట్టండి. మీరు నన్ను ఇష్టపడకపోయినా.. నేను చేసే ప్రతిదాన్ని చూస్తూ ఉంటే, మీరు కూడా ఒక ఫ్యాన్ అని తెలుస్తుంది..” అంటూ అనసూయ చేసిన వ్యాఖ్యలు ఇప్పుడు వైరల్ అయ్యాయి. తన వ్యాఖ్యలు తన సొంతం అని.. ఈ వ్యవహారంలో భర్త, పిల్లలను ఎందుకు తీసుకువస్తున్నారని అనసూయ వ్యాఖ్యానించారు. మరి అనసూయ చేసిన వ్యాఖ్యలకు నెటిజన్లు ఎలా స్పందిస్తారో.. అసలు ఈ వివాదం ఇప్పట్లో ముగుస్తుందో లేదో చూడాలి.