మెగాస్టార్ చిరంజీవి హీరోగా వస్తున్న సినిమా విశ్వంభర. ఈ సినిమా షూటింగ్ చాలా ఆలస్యమైంది. దీంతో అసలు సినిమా రిలీజ్ అవుతుందా లేదా అనే అనుమానాలు కూడా తలెత్తాయి. ఇదే సమయంలో చిరంజీవి హీరోగా అనిల్ రావిపూడి దర్శకత్వంలో మరో సినిమా షూటింగ్ శరవేగంగా జరుగుతోంది. ఈ సినిమా వచ్చే ఏడాది సంక్రాంతికి రిలీజ్ చేస్తామని ఇప్పటికే అనిల్ ప్రకటించారు కూడా. దీంతో. విశ్వంభర వస్తుందా.. రాదా.. అనే పుకార్లు.. అటు టాలీవుడ్లో ఇటు మెగా ఫ్యాన్స్లో వినిపిస్తున్నాయి. వీటన్నిటికీ చెక్ పెడుతూ మెగాస్టార్ ఓ వీడియో రిలీజ్ చేశారు.
Also Read : అయ్యర్ కు అందుకే అన్యాయం..? గంభీర్ పై ఫ్యాన్స్ ఫైర్
ఆగష్టు 22న మెగాస్టార్ చిరంజీవి పుట్టిన రోజు. ఈ సందర్భంగా మెగా ఫ్యాన్స్కు సూపర్ గిఫ్ట్ ఇచ్చేందుకు విశ్వంభర దర్శక నిర్మాతలు సిద్దమయ్యారు. విశ్వంభర సినిమాకు సంబంధించిన ఓ వీడియో గ్లిప్స్ను ముందు రోజు సాయంత్రం 6 గంటలకు విడుదల చేస్తున్నట్లు మెగాస్టార్ చిరంజీవి స్వయంగా వీడియో రిలీజ్ చేశారు. దీంతో విశ్వంభరపై వస్తున్న పుకార్లకు బ్రేక్ పెట్టినట్లు అయ్యింది. అయితే ఈ విశ్వంభర ఎలా ఉంటుందో అనే విషయంపై చిరంజీవి క్లారిటీ ఇచ్చేశారు.
Also Read : రష్యా సంచలన ప్రకటన.. భారత్ ఆయిల్ కొనడం ఆగదు..!
విశ్వంభర ఓ సోషియో ఫాంటసీ సినిమా అని ముందు నుంచే చెబుతున్నారు. విశ్వంభర ఎందుకు ఆలస్యమవుతుందని చాలా మందికి అనుమానాలున్నాయన్నారు చిరంజీవి. ఈ జాప్యం చాలా సముచితం అన్నారు. ఈ సినిమా సెంకడ్ ఆఫ్ మొత్తం వీఎఫ్ఎక్స్, గ్రాఫిక్స్ మీదే ఆధారపడి ఉందని.. అత్యున్నత ప్రమాణాలతో ఈ సినిమా అందించేందుకు దర్శక నిర్మాతలు ప్రయత్నం చేస్తున్నారని.. అందుకే ఆలస్యమవుతుందోన్నారు. ఈ సినిమా చక్కటి చందమామ కథలా సాగిపోతుందని.. చిన్న పిల్లలను ఎంతో ఆకట్టుకుంటుందని.. పెద్దవాళ్లను కూడా ఈ సినిమా అలరిస్తుందన్నారు చిరంజీవి. ఈ సినిమాను అందరూ ఎంజాయ్ చేసేలా వచ్చే ఏడాది సమ్మర్లో రిలీజ్ చేస్తున్నట్లు చిరంజీవి లీక్ చేశారు. దీంతో గ్లిమ్స్ కోసం మెగా అభిమానులు ఆసక్తిగా ఎదురు చూస్తున్నారు.