ఆంధ్రప్రదేశ్‌లో పట్టణ స్థానిక సంస్థల ఎన్నికల నిర్వహణకు సంబంధించి రాష్ట్ర ఎన్నికల సంఘం ఒక కీలక అడుగు వేసింది. ఎన్నికల ప్రక్రియలో అత్యంత ప్రాధాన్యత కలిగిన పోస్టల్ బ్యాలెట్ పత్రాల ముద్రణకు సంబంధించి స్పష్టమైన మార్గదర్శకాలతో కూడిన ఉత్తర్వులను ఎస్‌ఈసీ జారీ చేసింది. ఎన్నికల సిబ్బంది, ఇతర అత్యవసర సేవల విధుల్లో ఉండి పోస్టల్ బ్యాలెట్ ద్వారా ఓటు హక్కు వినియోగించుకునే వారి కోసం ఈ ప్రత్యేక నిబంధనలను రూపొందించారు.
Also Read : విడదల రజినికి ఊహించని షాక్.. పాపం..!
తాజా ఉత్తర్వుల ప్రకారం.. పోస్టల్ బ్యాలెట్ పత్రాలపై పోటీ చేసే అభ్యర్థులను మూడు ప్రత్యేక కేటగిరీలుగా విభజించనున్నారు. గుర్తింపు పొందిన జాతీయ, ప్రాంతీయ పార్టీల అభ్యర్థులు ఒక కేటగిరీగా, రిజిస్టర్డ్ పార్టీల అభ్యర్థులు, స్వతంత్ర అభ్యర్థులను మిగిలిన కేటగిరీలుగా వర్గీకరిస్తారు. ఓటర్లకు సులువుగా అర్థమయ్యేలా బ్యాలెట్ పేపర్‌పై అభ్యర్థి పేరుతో పాటు వారు ప్రాతినిధ్యం వహిస్తున్న పార్టీ పేరును మొదట తెలుగు భాషలో ముద్రించాలి. దాని కిందే విధిగా ఇంగ్లీష్ భాషలో కూడా ముద్రించాలని ఎస్‌ఈసీ స్పష్టం చేసింది.
Also Read : దూసుకొస్తున్న అర్నాబ్.. కోస్తాంధ్రకు పెను ముప్పు!
ఈ ఉత్తర్వుల్లో అత్యంత కీలకమైన అంశం ఏమిటంటే.. సాధారణ ఎన్నికల్లో వాడే బ్యాలెట్ పత్రాల మాదిరిగా కాకుండా, ఈ పోస్టల్ బ్యాలెట్ పత్రాలపై అభ్యర్థులకు సంబంధించిన ఎలాంటి ఎన్నికల గుర్తులు ముద్రించకూడదు. కేవలం అభ్యర్థి పేరు, పార్టీ వివరాలు మాత్రమే పైన పేర్కొన్న నిబంధనల ప్రకారం అందుబాటులో ఉంటాయి. ఎన్నికల ప్రక్రియను అత్యంత పారదర్శకంగా, నిబంధనలకు లోబడి నిర్వహించేందుకే ఎస్‌ఈసీ ఈ మార్గదర్శకాలను విడుదల చేసినట్లు అధికారులు వెల్లడించారు.
