తెలంగాణ రాజకీయాల్లో మరోసారి ఫార్ములా-ఈ రేసు వ్యవహారం తీవ్ర సంచలనం రేపుతోంది. గత రెండేళ్లుగా బీఆర్ఎస్ అగ్ర నాయకత్వం చుట్టూ తిరుగుతున్న ఈ కేసులో మరో కీలక పరిణామం చోటు చేసుకుంది. ఈ నిధుల మళ్లింపు కేసులో బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ కు ఏసీబీ కోర్టులో ఎదురుదెబ్బ తగిలింది. ఈ కేసులో నిందితులుగా ఉన్న కేటీఆర్తో పాటు మరో ముగ్గురి పాస్పోర్టులను తక్షణమే జప్తు చేయాల్సిందిగా నాంపల్లి ఏసీబీ ప్రత్యేక న్యాయస్థానం కీలక ఆదేశాలు జారీ చేసింది.
Also Read : కూచిపూడి రంగప్రవేశంతో ఆకట్టుకున్న ఖ్యాతి పుట్టా
ఈ కేసు దర్యాప్తు కీలక దశకు చేరుకున్న నేపథ్యంలో నిందితులు ఎవరూ కూడా దేశం విడిచి విదేశాలకు వెళ్లకుండా ముందస్తుగా నిరోధించేందుకే ఏసీబీ అధికారులు ఈ చర్యలకు ఉపక్రమించారని తెలుస్తోంది. కోర్టు ఆదేశాల మేరకు నిందితుల పాస్పోర్టులను సీజ్ చేయాలంటూ హైదరాబాద్ రీజినల్ పాస్పోర్ట్ ఆఫీసర్ కు ఏసీబీ న్యాయస్థానం అధికారికంగా లేఖ రాసింది. ఈ పరిణామంతో మాజీ మంత్రి కేటీఆర్కు విదేశీ ప్రయాణాల పరంగా పెద్ద షాక్ తగిలింది.
Also Read : రకుల్ ప్రీత్ సింగ్ ఇంట్లో ఐటీ సోదాలు
గత ప్రభుత్వ హయాంలో ఎలాంటి ముందస్తు అనుమతులు లేకుండా, నిబంధనలకు విరుద్ధంగా దాదాపు రూ.55 కోట్ల ప్రభుత్వ నిధులను ఫార్ములా-ఈ రేసింగ్ నిర్వహణ సంస్థకు మళ్లించారనే తీవ్రమైన ఆరోపణలపై అవినీతి నిరోధక శాఖ దర్యాప్తు జరుపుతోంది. ఈ వ్యవహారంలో ఇప్పటికే నిందితులపై చార్జ్షీట్ దాఖలు కాగా, విచారణ మరింత వేగవంతం అయింది. ఈ క్రమంలో కోర్టు నుంచి వచ్చిన ఈ సంచలన ఆదేశాలు ఇప్పుడు తెలంగాణ రాజకీయ వర్గాల్లో తీవ్ర చర్చనీయాంశంగా మారాయి.