వివాదాలకు, సంచలన వ్యాఖ్యలకు దూరంగా ఉండే వ్యక్తి సూపర్ స్టార్ మహేష్ బాబు. తెరపై ఎనర్జీతో మెప్పించే మహేష్, వ్యక్తిగత జీవితంలో మాత్రం చాలా రిజర్వ్గా ఉంటారనే విషయం అభిమానులకు తెలుసు. సినిమా షూటింగ్స్, ప్రమోషన్లు తప్పితే మిగతా సమయాన్ని కుటుంబ సభ్యులతో గడపడానికి ఇష్టపడే మహేష్, సోషల్ గ్యాదరింగ్స్ లేదా పార్టీ కల్చర్కు కూడా దూరంగానే ఉంటారు. తప్పని పరిస్థితుల్లో తప్ప ఏ ఫంక్షన్కు కూడా హాజరు కారు. తాజాగా ఓ ఇంటర్వ్యూలో మహేష్ చేసిన వ్యాఖ్యలు వైరల్ అయ్యాయి. ముఖ్యంగా సెల్ఫీ కల్చర్పైన మహేష్ వ్యాఖ్యలు సోషల్ మీడియాలో చర్చనీయాంశంగా మారాయి.
Also Read : గోపాలన్న కల ఈసారైనా తీరుతుందా..?
ప్రస్తుతం సెలబ్రిటీలకు ఎదురవుతున్న ప్రైవసీ సమస్యల గురించి మహేష్ బాబు తన అభిప్రాయాన్ని పంచుకున్నారు. “అప్పట్లో ఫోన్లలో కెమెరాలు ఉండేవి కాదు. చాలా ప్రశాంతంగా ఉండేది. కానీ ఇప్పుడు ఎయిర్ పోర్ట్లో దిగితే ఒక్కొక్కరు సెల్ఫీలు అడుగుతుంటారు. అది తప్పు అని చెప్పడం లేదు. అభిమానుల ప్రేమ, ఉత్సాహం అలాంటిదే. కానీ ఒక స్థాయి దాటితే అది వ్యక్తిగత గోప్యతలోకి వస్తుంది. ప్రతిరోజూ అదే పరిస్థితి ఎదురైతే కొంచెం ఇబ్బందిగా అనిపిస్తుంది.” అంటూ మహేష్ చెప్పిన మాటలు ఇప్పుడు బాగా వైరల్ అవుతున్నాయి. అభిమానుల పట్ల తనకు ఎలాంటి అభ్యంతరం లేదంటూనే, సెలబ్రిటీల పర్సనల్ లైఫ్ గౌరవించాల్సిన అవసరం ఉందని మహేష్ సున్నితంగా తెలియజేసినట్లు సినీ వర్గాలు భావిస్తున్నాయి.
Also Read : జాన్వీ.. గ్లామర్ రోల్స్ కే పరిమితమా..?
సోషల్ మీడియా, స్మార్ట్ ఫోన్లతో సెలబ్రిటీ – ఫ్యాన్ సంబంధాలు గతంతో పోలిస్తే పూర్తిగా మారిపోయాయి. ఒకప్పుడు స్టార్ హీరోలను ప్రత్యక్షంగా చూడటమే అభిమానులకు గొప్ప అనుభూతి. అయితే, ఇప్పుడు సెల్ఫీ లేదా వీడియో లేకపోతే ఆ క్షణం అసంపూర్ణంగా భావించే పరిస్థితి ఏర్పడింది. ముఖ్యంగా ఎయిర్పోర్టులు, రెస్టారెంట్లు, హాలి డే స్పాట్లు వంటి ప్రైవేట్ సందర్భాల్లో కూడా సెలబ్రిటీలు కెమెరాల మధ్యనే ఉండాల్సి వస్తోంది. మహేష్ బాబు చేసిన వ్యాఖ్యలు ఈ మారుతున్న కల్చర్పైన మరోసారి చర్చకు తెరలేపాయి. అభిమానుల ప్రేమ ఎంత ముఖ్యమో, అదే సమయంలో వ్యక్తిగత స్వేచ్ఛ కూడా అంతే ముఖ్యమనే అభిప్రాయానికి మహేష్ మాటలు మరింత బలం చేకూర్చాయి.
Also Read : గుప్త సాయం ఆ హీరో నైజం.. సత్య ఎమోషనల్ కామెంట్స్
ఒకవైపు కెరీర్లోనే అత్యంత ప్రతిష్టాత్మకమైన సినిమాలో నటిస్తూనే, మరోవైపు సెలబ్రిటీ జీవితంలో ఉండే సవాళ్ల గురించి మహేష్ చేసిన వ్యాఖ్యలు ఇప్పుడు అభిమానుల మధ్య హాట్ టాపిక్గా మారాయి. అభిమానుల ప్రేమను గౌరవిస్తూ, తన వ్యక్తిగత ప్రైవసీపై కూడా స్పష్టమైన అభిప్రాయం వ్యక్తం చేసిన మహేష్ బాబు మాటలు ప్రస్తుతం సోషల్ మీడియాలో బాగా వైరల్ అయ్యాయి.