తెలంగాణ, ఆంధ్రప్రదేశ్ రాష్ట్రాల్లో ఇటీవలి రాజకీయ పరిణామాలు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ చేస్తున్న వరుస ప్రకటనలు, నిరసనలు, ప్రతిస్పందనలు ఒక పెద్ద రాజకీయ వ్యూహంలో భాగమా అనే చర్చకు తెర లేపింది. ఇదే సమయంలో.. అనుకోకుండా జరుగుతున్న పరిణామాలకు పవన్ వైపు నుంచి అకస్మాత్తుగా వచ్చిన ప్రతి చర్యా అనే అనుమానాలు కూడా వినిపిస్తున్నాయి. ప్రొఫెసర్ నాగేశ్వర్ చేసినట్లుగా ఆపాదించిన వ్యాఖ్యలు రాజకీయ ప్రతిచర్యలను రేకెత్తించడంతో ఈ వివాదం మొదలైంది. దానికి పవన్ కళ్యాణ్ ఘాటుగా స్పందించారు. అనంతరం, తమను తాము తెలంగాణ కార్యకర్తలుగా చెప్పుకునే కొన్ని భజన బృందాలు జోక్యం చేసుకుని, సోషల్ మీడియాలో, బహిరంగ చర్చల్లో గందరగోళం సృష్టించి, ఉద్రిక్తతలను పెంచాయి.
Also Read : అమరావతి రైతులతో జగన్ గేమ్ ప్లాన్ స్టార్ట్..!
జూన్ 2న ‘నవనిర్మాణ సంకల్ప సభ’ పేరుతో సభ నిర్వహించాలని జనసేన పార్టీ అధినేత పవన్ కళ్యాణ్ భావించారు. అయితే ఆ సభకు అధికారులు అభ్యంతరాలు తెలిపి, అనుమతి నిరాకరించడంతో పరిస్థితి మరింత తీవ్రమైంది. ఈ పరిణామాల నేపథ్యంలో, తెలంగాణలో జనసేన పార్టీ ఎన్నికల్లో పోటీ చేస్తుందని పవన్ కళ్యాణ్ ప్రకటించి, రాష్ట్ర పర్యటనకు ప్రణాళికలను సూచించారు. ఈ పరిణామాల పరంపర, ఈ రాజకీయ పరిణామాలు ప్రతిచర్యాత్మకమా లేక ముందస్తు వ్యూహంలో భాగమా అనే దానిపై ఊహాగానాలకు దారితీసింది.
తెలంగాణలో రాజకీయ ఆధిపత్యం గురించి పవన్ కళ్యాణ్ చేసిన వ్యాఖ్యలను కొంతమంది విమర్శించడంతో పాటు ఆ తర్వాత పరిణామాలు, ప్రతిస్పందనలు పెద్ద ఎత్తున రావడంపై రాజకీయ పరిశీలకులు నిశితంగా గమనిస్తున్నారు. టార్గెట్ పవన్ అన్నట్లుగా కాంగ్రెస్లోని కొందరు నేతలు, బీఆర్ఎస్, టీఆర్ఎస్ నేతలు విమర్శలు చేయడం.. దీనిని ప్రాంతీయ వాదానికి ముడిపెట్టడంతో జన సైనికులు కూడా ధీటుగానే బదులిస్తున్నారు. దీంతో నాలుగు రోజులుగా సోషల్ మీడియాతో పాటు అన్ని టీవీ ఛానల్స్లో కూడా ఇదే ప్రధాన అంశంగా మారింది. వివిధ పార్టీల నాయకులు స్పందించడంతో రాజకీయ వాతావరణం మరింత హాట్ హాట్గా మారింది.
Also Read : అన్నామలై కొత్త పార్టీ : తమిళనాడులో మరోసారి రాజకీయ వేడి !
మాజీ మంత్రి జగదీష్ రెడ్డి తొలుత పవన్ కళ్యాణ్కు మద్దతు ప్రకటించారు. కానీ ఆ తర్వాత బీఆర్ఎస్ వర్కింగ్ ప్రెసిడెంట్ కేటీఆర్.. పవన్ విషయంపై తీవ్ర విమర్శలు చేశారు. దీంతో పవన్ కళ్యాణ్ వ్యాఖ్యలకు భారత్ రాష్ట్ర సమితి పూర్తిగా వ్యతిరేకంగా నిలిచింది. ఇదిలా ఉండగా, తెలంగాణలోని కాంగ్రెస్ నాయకులు వరుస ప్రెస్మీట్లతో పవన్ పైన తీవ్ర విమర్శలు చేస్తున్నారు. కానీ ఇదే సమయంలో టీఆర్ఎస్ నేత కవిత మాత్రం ఈ విషయంపై మౌనం వహించారు. దీంతో తెలంగాణలోని రాజకీయ పార్టీల తీరు ఇప్పుడు తీవ్ర చర్చకు తెర లేపింది. ఈ పరిణామాల మధ్య, పవన్ కళ్యాణ్ తన రాజకీయ లక్ష్యం మారలేదని సోషల్ మీడియా పోస్ట్లో సూచించారు, ఈ ప్రకటన, తెలంగాణ రాజకీయాల్లోకి ఆయన ప్రవేశం ఒక విస్తృత వ్యూహాత్మక ప్రణాళికలో భాగమై ఉండవచ్చనే అభిప్రాయాన్ని బలపరిచిందని విశ్లేషకులు సూచిస్తున్నారు.