రాజమౌళి – మహేష్ బాబు కాంబినేషన్లో తెరకెక్కుతున్న గ్లోబల్ అడ్వెంచర్ మూవీ వారణాసి ఇప్పుడు టాలీవుడ్ లోనే కాదు, ఇంటర్నేషనల్ స్థాయిలో హాట్ టాపిక్ గా మారింది. ఈ సినిమా షూటింగ్ కోసం చిత్ర యూనిట్ అత్యంత ప్రమాదకరమైన అమెజాన్ అడవులను ఎంచుకోవడం ఇప్పుడు అందరినీ ఆశ్చర్యపరుస్తోంది. అయితే, ఇక్కడ అసలైన విశేషం ఏంటంటే.. సూపర్ స్టార్ మహేష్ బాబు అమెజాన్ అడవుల్లో అడుగుపెట్టడం ఇది మొదటిసారి కాదు, రెండోసారి. గతంలోనే ఒక సినిమా కోసం ఈ దట్టమైన అడవుల్లో సాహసం చేసాడు.
Also Read : పవన్, ప్రభాస్ ఫ్యాన్స్ ఫేవరేట్ డైరెక్టర్ రీ ఎంట్రీ..!
గతంలో మహేష్ బాబు నటించిన ఖలేజా సమయంలో, దర్శకుడు త్రివిక్రమ్ కొన్ని కీలక సన్నివేశాలను విదేశీ అడవుల్లో ప్లాన్ చేశారు. ఆ సమయంలోనే మహేష్ బాబు దక్షిణ అమెరికాలోని కొన్ని అటవీ ప్రాంతాలను సందర్శించి, అక్కడి ప్రతికూల పరిస్థితుల్లో షూటింగ్ లో పాల్గొన్నాడు. అప్పట్లో ఆ విజువల్స్ ప్రేక్షకులను అబ్బురపరిచాయి. కానీ ఇప్పుడు రాజమౌళి మార్క్ అడ్వెంచర్ లో భాగంగా, మహేష్ బాబు ఏకంగా అమెజాన్ లోతట్టు ప్రాంతాల్లోకి వెళ్లి షూట్ చేయబోతున్నారు. ఇది ఒక రకంగా మహేష్ బాబుకి అమెజాన్ తో ఉన్న సెకండ్ ఇన్నింగ్స్ అంటున్నారు టాలీవుడ్ జనాలు.
Also Read : ముంబైకి మకాం మార్చిన బన్నీ..?
అయితే, వారణాసి టీం ఇప్పుడు ఈ షూటింగ్ విషయంలో కొంత ఆందోళన చెందుతున్నట్లు సమాచారం. గతంలో మన తెలుగు సినిమాలు అమెజాన్ అంచుల్లో షూటింగ్ జరుపుకున్న దాఖలాలు ఉన్నాయి కానీ, రాజమౌళి ప్లాన్ చేస్తున్నట్టు అడవి లోపలికి వెళ్లి వారాల తరబడి ఉండటం అనేది చాలా రిస్క్ తో కూడుకున్న పని. అక్కడ అనకొండలు, విష సర్పాలు, ఎప్పుడూ కురిసే వర్షాల వల్ల షూటింగ్ పరికరాలను కాపాడుకోవడం, టీం భద్రతను పర్యవేక్షించడం రాజమౌళికి పెద్ద సవాల్ గా మారింది. అందుకే ఈసారి వెళ్లేముందు టీం మొత్తం ప్రత్యేక శిక్షణ తీసుకుంటున్నట్లు తెలుస్తోంది.