టాలీవుడ్ లో స్టార్ డైరెక్టర్ అనే ఇమేజ్ ఉన్నా సరే సరైన సినిమా తీయలేక ఇబ్బందులు పడుతున్నాడు హరీష్ శంకర్. రీసెంట్ గా వచ్చిన సినిమాల్లో ఏ ఒక్కటి కూడా అతని రేంజ్ కు తగ్గట్టు లేవు అనే క్లారిటీలు చాలామందికి ఉన్నాయి. రవితేజ హీరోగా వచ్చిన మిస్టర్ బచ్చన్ సినిమా చాలా దారుణంగా ఆడింది. రవితేజ కెరీర్ లోనే బిగ్గెస్ట్ ఫ్లాప్ గా నిలిచిన ఈ సినిమాపై ఎన్నో కామెంట్స్ వచ్చాయి. ఇక పవన్ కళ్యాణ్ తో ఉస్తాద్ భగత్ సింగ్ అనే సినిమాను చేస్తున్న హరీష్ శంకర్ ఆ సినిమాకు గ్యాప్ రావడంతో… ఈ టైం లో వేరే హీరోలతో సినిమాలను ప్లాన్ చేసుకుంటూ ముందుకు వెళుతున్నాడు.
Also Read : ఎన్టీఆర్ – నీల్ స్టార్ట్ అవుతుంది.. మొదటి షెడ్యూల్ అక్కడే..!
ఈ టైంలోనే మిస్టర్ బచ్చన్ అనే సినిమా చేసి రవితేజను కూడా ఒకరకంగా ఇబ్బంది పెట్టాడు. అయితే ఇప్పుడు పవన్ కళ్యాణ్ తో సినిమా మరింత ఆలస్యం కావడంతో మరో సినిమా ప్లాన్ చేస్తున్నాడు ఈ డైరెక్టర్. నందమూరి బాలకృష్ణ హీరోగా… ఒక కథను రెడీ చేసి పెట్టుకున్నాడు. పవన్ కళ్యాణ్ తో సినిమా చేయడానికి ఇంకా 9 నెలల వరకు సమయం పట్టే అవకాశం ఉండటంతో… ఆ గ్యాప్ ఇంకా పెరిగిన ఆశ్చర్యం లేదని కాబట్టి ఈ టైంలో ఖాళీగా ఉండవద్దని భావిస్తున్న హరీష్ శంకర్.. ఈ సినిమా లైన్ చేసుకున్నాడు.
Also Read : చంద్రబాబు వ్యాఖ్యలపై కేడర్ అసంతృప్తి..!
ప్రస్తుతం అఖండ సీక్వెల్ తో బిజీగా ఉన్న బాలకృష్ణకు కూడా ఈ కథ వినిపించాడు హరీష్ శంకర్. దీనిపై బాలకృష్ణ ఇంకా క్లారిటీ ఇవ్వలేదు. అఖండ సినిమా నుంచి హిట్ ట్రాక్ లో వచ్చిన బాలకృష్ణ.. స్టోరీ లైన్ విషయంలో జాగ్రత్తగా ఉంటున్నాడు. గతంలో మాదిరిగా ఏ కథ పడితే ఆ కథ సెలెక్ట్ చేసుకోవడం లేదు. మరి ఇప్పుడు హరీష్ శంకర్ స్టోరీని ఫైనల్ చేస్తాడా లేదా అనేది చూడాలి.
