అర్నబ్ తుపాను సృష్టించిన బీభత్సంపై ఏపీ సీఎం చంద్రబాబు రాసిన లేఖకు కేంద్రం వెంటనే చర్యలు చేపట్టింది. తుపాను నష్టాలను అంచనా వేసి, రాష్ట్రాన్ని ఆదుకోవాలని కోరుతూ కేంద్ర హోంమంత్రి అమిత్ షాకు చంద్రబాబు లేఖ రాసిన కేవలం రెండు రోజుల్లోనే కేంద్ర ప్రభుత్వం రంగంలోకి దిగింది. ఏపీ విజ్ఞప్తిపై అత్యంత వేగంగా స్పందించిన కేంద్రం, నష్టాల అంచనా కోసం ఏడుగురు సభ్యులతో కూడిన ఉన్నత స్థాయి బృందాన్ని తక్షణమే పంపించింది. ఢిల్లీ నుంచి బృందాలు ఇంత వేగంగా కదలడం చంద్రబాబు నాయుడి సమర్థవంతమైన చొరవకు, కేంద్రంతో ఉన్న సత్సంబంధాలకు అద్దం పడుతోంది.
Also Read : మిథున్ రెడ్డి అరెస్ట్‌కు రంగం సిద్ధం..?
పర్యటనలో భాగంగా ఈ రోజే ఆంధ్రప్రదేశ్ రియల్ టైమ్ గవర్నెన్స్ సొసైటీ వేదికగా కేంద్ర బృందంతో రాష్ట్ర అధికారులు కీలక సమావేశం కానున్నారు. తుపాను ముంచుకొచ్చిన సమయం నుంచి ప్రభుత్వం తీసుకున్న ముందస్తు చర్యలు, సహాయక కార్యక్రమాలు, ప్రాథమికంగా అంచనా వేసిన నష్టాల వివరాలను పవర్‌పాయింట్ ప్రెజెంటేషన్ ద్వారా కేంద్ర ప్రతినిధులకు అధికారులు వివరించనున్నారు. ఏ ఏ రంగాలు ఏ స్థాయిలో దెబ్బతిన్నాయనే పూర్తి డేటాను ఈ సమావేశంలో కేంద్ర బృందానికి అందజేస్తారు.
Also Read : మన శరీరంలో రెండో గుండె ఎక్కడుందో తెలుసా..?
ఈ సమీక్ష ముగిసిన అనంతరం, ఈ ఏడుగురు సభ్యుల కేంద్ర బృందం రెండు విభాగాలుగా విడిపోయి తుపాను ప్రభావిత జిల్లాల్లో క్షేత్రస్థాయి పరిశీలనకు వెళ్లనుంది. ముఖ్యంగా తీవ్ర నష్టం వాటిల్లిన కోనసీమ, కాకినాడ, ఉమ్మడి గోదావరి జిల్లాల్లో ఈ బృందాలు నేడు, రేపు విస్తృతంగా పర్యటించనున్నాయి. దెబ్బతిన్న పంటలు, కూలిపోయిన ఇళ్లు, రహదారులు మరియు మౌలిక వసతుల నష్టాన్ని ఈ బృందం స్వయంగా పరిశీలించి, అంచనా వేయనుంది. బాధితులతో నేరుగా మాట్లాడి నష్ట తీవ్రతను తెలుసుకున్న అనంతరం, ఈ బృందం కేంద్ర ప్రభుత్వానికి తుది నివేదికను సమర్పిస్తుంది. ఈ నివేదిక ఆధారంగానే రాష్ట్రానికి కేంద్రం నుంచి భారీగా తుపాను సహాయక నిధులు అందే అవకాశం ఉంది.
