అమెరికా అధ్యక్షుడు డోనాల్డ్ ట్రంప్ మైనర్ల లింగమార్పిడి శస్త్రచికిత్సలు, హార్మోన్ థెరపీలకు ప్రభుత్వ ఆరోగ్య బీమా కార్యక్రమం ‘మెడికైడ్’ నుండి నిధులను నిలిపివేస్తూ కీలక నిర్ణయం తీసుకున్నారు. ఈ మేరకు ట్రంప్ తన సోషల్ మీడియా ప్లాట్ఫారమ్ ‘ట్రూత్ సోషల్’ ద్వారా ఈ సంచలన ఆదేశాలను వెల్లడించారు. అమాయక పిల్లలను ఇలాంటి అనాగరిక పద్ధతులు మరియు శస్త్రచికిత్సల నుండి రక్షించడానికే తమ ప్రభుత్వం ఈ నిర్ణయం తీసుకుందని ఆయన స్పష్టం చేశారు.
Also Read : ఢిల్లీ వేదికగా మళ్లీ బీజేపీకి జగన్ జై..!
యూఎస్ డిపార్ట్మెంట్ ఆఫ్ హెల్త్ అండ్ హ్యూమన్ సర్వీసెస్ పరిధిలోని సెంటర్స్ ఫర్ మెడికేర్ అండ్ మెడికైడ్ సర్వీసెస్ ఈ తుది నిబంధనను అమలు చేసింది. దీని ప్రకారం ఫెడరల్ మెడికైడ్, చిల్డ్రన్స్ హెల్త్ ఇన్సూరెన్స్ ప్రోగ్రామ్ నిధులు ఇకపై మైనర్లకు ప్యూబర్టీ బ్లాకర్స్, క్రాస్-సెక్స్ హార్మోన్లు, లింగమార్పిడి శస్త్రచికిత్సలకు వర్తించవు. ట్రంప్ ఆదేశాల మేరకు సీఎంఎస్ అడ్మినిస్ట్రేటర్ డాక్టర్ మెహమత్ ఓజ్ ఈ కొత్త రూల్ను ప్రకటించారు. పిల్లలను ప్రయోగశాల ఎలుకల్లాగా వాడకూడదని, తగిన శాస్త్రీయ ఆధారాలు లేని ఇలాంటి ప్రయోగాల వల్ల పిల్లల శరీరాలకు కోలుకోలేని నష్టం జరుగుతుందని డాక్టర్ ఓజ్ పేర్కొన్నారు.
Also Read : డిప్యూటి సీఎంగా త్రిష..? మాజీ మంత్రి సంచలనం..!
అలాగే పన్ను చెల్లింపుదారుల డబ్బును దుర్వినియోగం కాకుండా కాపాడుతూ పిల్లల భవిష్యత్తును సురక్షితం చేయడమే తమ ఉద్దేశమని హెచ్హెచ్ఎస్ సెక్రటరీ రాబర్ట్ ఎఫ్ కెన్నెడీ జూనియర్ స్పష్టం చేశారు. ఈ కొత్త నిబంధనలు అక్టోబర్ 13 నుండి పూర్తిస్థాయిలో అమలులోకి రానున్నాయి. అయితే ఇప్పటికే హార్మోన్ థెరపీ చికిత్సలు పొందుతున్న మైనర్లకు కొంత ఉపశమనం లభించనుంది. వారికి గరిష్టంగా ఆరు నెలల పాటు ఫెడరల్ నిధుల సహాయం కొనసాగుతుందని అధికారులు తెలిపారు.