అమెరికాలో క్రీయాశీలకంగా నివసిస్తున్న భారతీయ ఐటీ నిపుణులు, హెచ్-1బీ వీసాదారులకు గ్రీన్ కార్డ్ కల్పించే ప్రక్రియను సులభతరం చేస్తూ యూఎస్ కాంగ్రెస్లో ఒక సరికొత్త బిల్లు ప్రవేశపెట్టబడింది. కాలిఫోర్నియాకు చెందిన డెమొక్రాటిక్ సెనేటర్ అలెక్స్ పాడిల్లా ‘ది రెన్యూయింగ్ ఇమ్మిగ్రేషన్ ప్రొవిజన్స్ ఆఫ్ ది ఇమ్మిగ్రేషన్ యాక్ట్ ఆఫ్ 1929’ అనే బిల్లును ప్రతిపాదించారు. ఈ బిల్లు గనుక చట్టరూపం దాలిస్తే, అమెరికాలో కనీసం ఏడేళ్లపాటు నిరంతరాయంగా నివసించిన వలసదారులందరికీ గ్రీన్ కార్డ్ కోసం దరఖాస్తు చేసుకునే సువర్ణావకాశం లభిస్తుంది.
Also Read : పబ్లిసిటీకే రూ. 375 కోట్లా..? రామాయణ కొత్త ట్రెండ్..!
ప్రస్తుతం అమలులో ఉన్న రిజిస్ట్రీ చట్టం ప్రకారం.. జనవరి 1, 1972 కంటే ముందు నుంచి అమెరికాలో నివసిస్తున్న వారికి మాత్రమే గ్రీన్ కార్డ్ దరఖాస్తుకు అర్హత ఉంది. సెనేటర్ అలెక్స్ పాడిల్లా ప్రతిపాదించిన ఈ సరికొత్త బిల్లు, ఆ పాత నిబంధన స్థానంలో ‘ఏడేళ్ల నిరంతర నివాసం’ అనే నిరంతర కాలపరిమితిని ప్రవేశపెట్టాలని కోరుతోంది. దీనివల్ల దాదాపు 80 లక్షల మందికి పైగా దీర్ఘకాలిక వలసదారులకు ప్రయోజనం చేకూరనుంది.
Also Read : జనసేన సంచలన నిర్ణయం.. పార్టీ నేతలకు స్ట్రాంగ్ వార్నింగ్..!
ఉపాధి ఆధారిత గ్రీన్ కార్డ్ కోటాల పరిమితుల కారణంగా, అమెరికాలో దశాబ్దాలుగా ఎదురుచూస్తున్న భారతీయ ఐటీ నిపుణులకు, ప్రత్యేకించి హెచ్-1బీ వీసాదారులకు ఈ బిల్లు ద్వారా దక్కే ప్రయోజనం చాలా ఎక్కువ. ఈ కొత్త చట్టం ప్రకారం దరఖాస్తు చేసుకునే అభ్యర్థులకు ఎటువంటి నేర చరిత్ర ఉండకూడదు మరియు ఇతర గ్రీన్ కార్డ్ అర్హత నియమాలను కలిగి ఉండాలి. డ్రీమర్స్, తాత్కాలిక రక్షణ హోదా కలిగిన వారు, అత్యవసర కార్మికులతో పాటు ఎంతో కాలంగా గ్రీన్ కార్డ్ వేచి చూసే జాబితాలో ఉన్న హెచ్-1బీ వీసాదారుల కష్టాలకు ఈ నిర్ణయం చెక్ పెట్టనుంది.