ఈ సంక్రాంతికి ‘మన శంకర వరప్రసాద్ గారు’తో బ్లాక్బస్టర్ విజయాన్ని అందించిన తర్వాత, మెగాస్టార్ చిరంజీవి మరింత వేగంతో ముందుకు సాగుతున్నారు. ప్రస్తుతం ఆయన నటించిన ‘విశ్వంభర’ సినిమా పోస్ట్ ప్రొడక్షన్ పనులు జరుపుకుంటుంది. తాజాగా దర్శకుడు బాబీ కొల్లితో ఆయన చేయబోయే తదుపరి భారీ ప్రాజెక్ట్ గురించిన విశేషాల కోసం అభిమానులు ఆసక్తిగా ఎదురుచూస్తున్నారు. ఈ ప్రాజెక్ట్కు తాత్కాలికంగా ‘Mega 158’ అనే పేరు పెట్టారు. ఇప్పుడు, ఈ చిత్ర నిర్మాతలు ఎట్టకేలకు ఒక ఆసక్తికరమైన విషయం బయటపెట్టారు. ఇది మెగా అభిమానుల ఆనందాన్ని రెట్టింపు చేసింది.
Also Read : ఎన్టీఆర్-నీల్ మూవీలో హిట్ సెంటిమెంట్..!
ప్రస్తుతం చిరంజీవి చేతిలో మూడు సినిమాలు ఉన్నాయి. ‘విశ్వంభర’తో పాటు, బాబీ కొల్లి దర్శకత్వంలో రూపొందనున్న ‘Mega 158’ కోసం, అలాగే దర్శకుడు శ్రీకాంత్ ఓదెలతో చేయబోయే మరొక ప్రాజెక్ట్ కోసం సన్నద్ధమవుతున్నారు. వీటిలో, బాబీతో చేయబోయే చిత్రంపై భారీ అంచనాలు నెలకొన్నాయి. ఎందుకంటే, ‘వాల్తేరు వీరయ్య’ సాధించిన ఘన విజయం తర్వాత, చిరంజీవి, బాబీ కాంబినేషన్లో రాబోతున్న రెండవ చిత్రం ఇదే. వాల్తేరు వీరయ్య భారీ విజయాన్ని సాధించడంతో, రాబోయే వినోదాత్మక చిత్రంపై అంచనాలు తారాస్థాయికి చేరుకున్నాయి.
ఈ సినిమాను కేవీఎన్ ప్రొడక్షన్స్ సంస్థ అత్యంత భారీ ఎత్తున నిర్మిస్తోంది. ఈ ప్రాజెక్టును చాలా కాలం క్రితమే ప్రకటించినప్పటికీ, రెగ్యులర్ షూటింగ్ ప్రారంభం కావడంలో జాప్యం జరిగింది. ‘జన నాయగన్’ అనే మరో సినిమాకి సంబంధించి నిర్మాణ సంస్థ కొన్ని సమస్యలను ఎదుర్కోవడమే, ‘Mega 158’ ప్రారంభం, షూటింగ్ షెడ్యూల్స్ వాయిదా పడటానికి కారణమని వార్తలు వచ్చాయి. దీంతో, ఈ ప్రాజెక్టును చిరంజీవి పూర్తిగా పక్కన పెట్టేశారనే పుకార్లు కూడా చెలరేగాయి. అయితే, ఊహాగానాలను తీవ్రంగా ఖండించిన నిర్మాణ సంస్థ.. ఈ చిత్రం పనులు అనుకున్న విధంగానే సజావుగా సాగుతున్నాయని అభిమానులకు భరోసా ఇచ్చింది.
Also Read : బాలయ్య-కొరటాల క్రేజీ అప్డేట్.. పవర్ఫుల్ మాఫియా డాన్ గా బాలయ్య..!
చిత్ర నిర్మాతలు ఒక ప్రత్యేక ఫోటో విడుదల చేశారు. ‘Mega 158’ చిత్రానికి సంబంధించిన ‘లుక్ టెస్ట్’ విజయవంతంగా పూర్తయినట్లు వెల్లడించారు. సోషల్ మీడియాలో ఈ విషయాన్ని పంచుకుంటూ, “హింసకు ముందు ఉండే నిశ్శబ్దం”.. Silencebefore violence అనే ఆకట్టుకునే శీర్షికను వారు జోడించారు. దీని ద్వారా ఈ సినిమా ‘మాస్-యాక్షన్’ నేపథ్యాన్ని కలిగి ఉండవచ్చని వారు పరోక్షంగా సూచించారు. ముహూర్తం కార్యక్రమం, రెగ్యులర్ షూటింగ్ వివరాలను త్వరలోనే ప్రకటిస్తామని కూడా నిర్మాతలు తెలిపారు.