నందమూరి అభిమానులు ఎప్పుడెప్పుడా అని ఎదురుచూస్తున్న కాంబినేషన్లలో నందమూరి నట సింహం బాలకృష్ణ, సెన్సిబుల్ డైరెక్టర్ కొరటాల శివ ప్రాజెక్ట్ ఒకటి. ఈ సినిమా ప్రకటన వచ్చినప్పటి నుండి అంచనాలు భారీగా ఉన్నాయి. అయితే తాజాగా ఈ సినిమా కథకు సంబంధించి ఒక ఆసక్తికరమైన వార్త ఫిలిం సర్కిల్స్లో తెగ వైరల్ అవుతోంది. ఈ సినిమాలో బాలయ్య బాబును కొరటాల మునుపెన్నడూ చూడని సరికొత్త మేకోవర్ లో చూపించబోతున్నట్లు సమాచారం.
Also Read : కాళేశ్వరంపై పట్టు వదలని రేవంత్.. కీలక సమావేశం..!
ప్రస్తుతం వినిపిస్తున్న లీకుల ప్రకారం.. ఈ సినిమాకు సెకండ్ హాఫ్ హైలైట్ గా నిలవబోతోంది. ముఖ్యంగా ద్వితీయార్థంలో వచ్చే ఒక భారీ యాక్షన్ ఫ్లాష్ బ్యాక్ ఎపిసోడ్ సినిమాకే హైలెట్ అని టాక్. ఈ ఫ్లాష్ బ్యాక్ ఎపిసోడ్ లో బాలయ్య ఒక పవర్ ఫుల్ మాఫియా డాన్ పాత్రలో కనిపించబోతున్నారట. మాఫియా సామ్రాజ్యంలో తనదైన ముద్ర వేసిన ఒక పవర్ హౌస్ గా, బాలయ్య మార్క్ డైలాగులు మరియు యాక్షన్ ఈ ఎపిసోడ్ లో పీక్స్ లో ఉంటాయని టాక్.
Also Read : జన సైనికులను రెచ్చగొడుతున్నారా..?
మాఫియా సామ్రాజ్యాన్ని శాసించే వ్యక్తి, కొన్ని అనూహ్య పరిస్థితుల వల్ల ఆ లోకాన్ని వదిలి బయటకు రావాల్సి రావడం.. ఆ తర్వాత జరిగే పరిణామాలు సినిమాను కీలక మలుపు తిప్పుతాయని సమాచారం. బాలయ్య బాడీ లాంగ్వేజ్ కు తగ్గట్టుగా కొరటాల శివ ఈ మాఫియా డాన్ పాత్రను చాలా పవర్ ఫుల్ గా డిజైన్ చేశారట. సాధారణంగా కొరటాల సినిమాల్లో బలమైన సోషల్ మెసేజ్ ఉంటుంది, దానికి బాలయ్య మాస్ ఇమేజ్ ను తోడు చేసి ఒక హై-వోల్టేజ్ యాక్షన్ డ్రామాను సిద్ధం చేస్తున్నట్లు తెలుస్తోంది. ఈ వార్త బయటకు రావడంతో నందమూరి అభిమానులు సోషల్ మీడియాలో రచ్చ చేస్తున్నారు. ఒకవేళ ఇదే నిజమైతే థియేటర్లలో పూనకాలు గ్యారెంటీ అని చెప్పవచ్చు.