తమిళ స్టార్ హీరో విజయ్ వ్యక్తిగత జీవితం ప్రస్తుతం చర్చనీయాంశంగా మారింది. ఆయన భార్య సంగీత సోమలింగం 2025 డిసెంబర్‌లోనే చెంగల్పట్టు ఫ్యామిలీ కోర్టులో విడాకుల కోసం పిటిషన్ దాఖలు చేసినట్లు సమాచారం. ఈ కేసుపై ఏప్రిల్ 20న విచారణ జరిగే అవకాశం ఉందని తెలుస్తోంది. ఈ పిటిషన్‌లో ఆమె చేసిన ఆరోపణలు సినీ, రాజకీయ వర్గాల్లో సంచలనం సృష్టిస్తున్నాయి. సంగీత తన ఫిర్యాదులో విజయ్ ఒక ప్రముఖ నటితో వివాహేతర సంబంధం పెట్టుకున్నారని ఆరోపించినట్లు సమాచారం. అంతేకాకుండా, తాను మానసికంగా తీవ్ర వేదనకు గురయ్యానని, తనను నిర్లక్ష్యం చేశారని కూడా పేర్కొన్నట్లు వార్తలు వస్తున్నాయి. అవసరమైతే ఆ నటిని కూడా ఈ కేసులో ప్రతివాదిగా చేర్చే అవకాశముందని సంగీత సూచించడం వల్ల ఈ వివాదం మరింత చర్చకు దారి తీసింది.
Also Read : భారత్ ను కెలికిన అమెరికా.. అదిరిపోయే రిప్లై..!
విజయ్ – సంగీతల ప్రేమకథ ఒక సినిమాను తలపించేలా ఉంటుంది. విజయ్‌కు వీరాభిమాని అయిన సంగీత ఆయనను ప్రత్యక్షంగా కలుసుకున్న తర్వాత ప్రేమలో పడ్డారని చెప్పుకుంటారు. ఆ తరువాత ఇద్దరూ పెద్దల సమ్మతితో 1999 ఆగస్టు 25న వివాహం చేసుకున్నారు. క్రైస్తవ మతానికి చెందిన విజయ్, హిందూ సంప్రదాయ ప్రకారం సంగీతను పెళ్లాడటం ప్రత్యేకతగా చెప్పుకోవచ్చు. ఈ దంపతులకు సంజయ్, దివ్య అనే ఇద్దరు పిల్లలు ఉన్నారు. దాదాపు రెండు దశాబ్దాల పాటు అన్యోన్యంగా జీవించిన ఈ జంట మధ్య 2023 తర్వాత మనస్పర్థలు మొదలయ్యాయనే వార్తలు వెలువడ్డాయి. ముఖ్యంగా ‘వరిసు’ సినిమా ఆడియో వేడుకలకు, అలాగే విజయ్ ప్రారంభించిన రాజకీయ పార్టీ ‘టీవీకే’ కార్యక్రమాలకు సంగీత హాజరుకాకపోవడం ఈ ఊహాగానాలకు బలం చేకూర్చింది.
Also Read : ఆ సినిమాకు లైన్ క్లియర్.. అన్నీ వాయిదా..!
ఇక మరోవైపు విజయ్ – త్రిష జంట వెండితెరపై ఎన్నో సూపర్ హిట్ సినిమాలతో ప్రేక్షకులను అలరించింది. ముఖ్యంగా ‘గిల్లి’ సినిమా నుంచి ప్రారంభమైన వీరి కెమిస్ట్రీ అభిమానులను ఎంతగానో ఆకట్టుకుంది. అయితే గతంలోనూ వీరిద్దరి మధ్య వృత్తిపరమైన సంబంధాన్ని మించిన సన్నిహిత్యం ఉందనే గాసిప్పులు వినిపించాయి. ప్రస్తుతం సంగీత విడాకుల పిటిషన్‌లో పేర్కొన్న “ఆ నటి” ఎవరన్న ప్రశ్నల మధ్య, అదే సమయంలో విజయ్–త్రిషలు కలిసి ఒక ఈవెంట్‌లో కనిపించడం గాసిప్పులకు మరింత ఊతమిచ్చింది.
ప్రస్తుతం విజయ్ పూర్తి స్థాయి రాజకీయాల్లోకి అడుగుపెట్టి తన పార్టీని బలోపేతం చేసే పనిలో ఉన్నారు. తమిళనాడు రాజకీయాల్లో నాయకుల వ్యక్తిగత జీవితం, కుటుంబ విలువలకు ఓటర్లు ప్రాధాన్యత ఇస్తారని విశ్లేషకులు చెబుతున్నారు. ఈ నేపథ్యంలో భార్య చేసిన వివాహేతర సంబంధం, మానసిక వేధింపుల వంటి ఆరోపణలు ప్రత్యర్థి పార్టీలకు రాజకీయంగా ఆయుధాలుగా మారే అవకాశం ఉందని అభిప్రాయాలు వ్యక్తమవుతున్నాయి.
Video : https://x.com/IconNews247/status/2029592241971527950
అయితే విజయ్ మాత్రం ఈ వార్తలు, గాసిప్పులను పెద్దగా పట్టించుకోనట్లుగా కనిపిస్తున్నారు. ఇటీవల త్రిషతో కలిసి బహిరంగ కార్యక్రమాల్లో కనిపించడం ద్వారా తాను ఎలాంటి వివాదాలనైనా ధైర్యంగా ఎదుర్కొంటాననే సందేశం ఇస్తున్నారని కొందరు భావిస్తున్నారు. ఏదేమైనా, రాజకీయాల్లో కీలక అడుగులు వేస్తున్న సమయంలో విజయ్ వ్యక్తిగత జీవితం ఇలా చర్చనీయాంశంగా మారడం అభిమానుల్లో కొంత ఆందోళనను కలిగిస్తోంది. ఇక ఈ కేసు విచారణలో ఏమి వెలుగులోకి వస్తుందో అన్నదానిపై సినీ, రాజకీయ వర్గాలు ఆసక్తిగా ఎదురుచూస్తున్నాయి.
