టాలీవుడ్ స్టార్ హీరోయిన్ సమంత చాలా కాలం తర్వాత ‘మా ఇంటి బంగారం’ చిత్రంతో ప్రేక్షకుల ముందుకు వచ్చి సాలిడ్ రీఎంట్రీ ఇచ్చింది. లేడీ ఓరియెంటెడ్ యాక్షన్ ఫ్యామిలీ డ్రామాగా తెరకెక్కిన ఈ సినిమాకు ప్రేక్షకుల నుంచి మంచి స్పందన లభిస్తోంది. ముఖ్యంగా సినిమా మొత్తం తన భుజాలపై మోసిన సమంత నటనకు ప్రశంసలు వెల్లువెత్తుతున్నాయి. జూన్ 19, 2026న ప్రపంచవ్యాప్తంగా విడుదలైన ఈ చిత్రానికి బి.వి. నందినీ రెడ్డి దర్శకత్వం వహించగా, దర్శక ద్వయం రాజ్ అండ్ డికెకు చెందిన రాజ్ నిడిమోరు కథను అందించారు. సమంత సొంత నిర్మాణ సంస్థ ట్రలాలా మూవింగ్ పిక్చర్స్ బ్యానర్పై ఈ సినిమా నిర్మితమైంది.
Also Read : సాయికృష్ణ కేసులో వైసీపీ అసలు ఆసక్తి వేరే..!
సినిమా విజయాన్ని పురస్కరించుకుని చిత్ర బృందం తాజాగా సక్సెస్ సెలబ్రేషన్స్ నిర్వహించింది. అయితే ఈ కార్యక్రమంలో సమంత బేబీ బంప్తో కనిపించినట్లు సోషల్ మీడియాలో కొన్ని ఫోటోలు వైరల్ అవుతున్నాయి. దీంతో ఆమె తల్లి కాబోతుందంటూ అభిమానులు, నెటిజన్లు పెద్ద ఎత్తున చర్చించుకుంటున్నారు. పలువురు సోషల్ మీడియా వేదికగా సమంతకు ముందస్తు శుభాకాంక్షలు కూడా తెలియజేస్తున్నారు.
అయితే ఈ విషయంపై ఇప్పటివరకు సమంత గానీ, ఆమె భర్త రాజ్ నిడిమోరు గానీ ఎలాంటి అధికారిక ప్రకటన చేయలేదు. దీంతో ఈ వార్తల్లో ఎంతవరకు నిజం ఉందనే అంశంపై అభిమానుల్లో ఆసక్తి నెలకొంది. ఈ శుభవార్తను ఈ జంట ఎప్పుడు అధికారికంగా ప్రకటిస్తుందా అని అభిమానులు ఎదురుచూస్తున్నారు.
Also Read : ధనుష్ – మృణాల్ బ్రేకప్..? నేషనల్ వైడ్ గా హాట్ టాపిక్..!
ఇక వ్యక్తిగత జీవిత విషయానికి వస్తే, సమంత మరియు దర్శకుడు రాజ్ నిడిమోరు గతేడాది వివాహ బంధంతో ఒక్కటయ్యారు. ఈశా యోగా కేంద్రంలోని లింగభైరవి ఆలయంలో భూతశుద్ధి వివాహ విధానంలో వీరి వివాహం జరిగింది. ‘ది ఫ్యామిలీ మ్యాన్ సీజన్ 2’, ‘సిటాడెల్: హనీ బన్నీ’ ప్రాజెక్ట్ల సమయంలో వీరిద్దరి మధ్య పరిచయం ఏర్పడినట్లు సమాచారం. అనంతరం ఆ పరిచయం ప్రేమగా మారి వివాహానికి దారితీసింది.
కొన్నాళ్లపాటు ఆరోగ్య సమస్యల కారణంగా సినిమాలకు దూరంగా ఉన్న సమంత, ఇప్పుడు ‘మా ఇంటి బంగారం’తో మరోసారి ప్రేక్షకులను అలరిస్తోంది. ఒకవైపు సినిమా విజయాన్ని ఆస్వాదిస్తూనే, మరోవైపు ఆమె వ్యక్తిగత జీవితానికి సంబంధించిన వార్తలు కూడా సోషల్ మీడియాలో హాట్ టాపిక్గా మారాయి.