తన విలక్షణ నటనతో, పవర్‌ఫుల్ డైలాగ్ డెలివరీతో కోట్లాది మంది అభిమానుల మనసులు గెలుచుకున్న ప్రముఖ సీనియర్ నటుడు నానా పటేకర్ కన్నుమూశారు. గోవాలోని దోనా పౌలాలో ఉన్న తన నివాసంలో ఆయనకు హఠాత్తుగా గుండెపోటు రావడంతో ఆయన ప్రాణాలు కోల్పోయారు. గురువారం ఉదయం 5:20 గంటల సమయంలో వైద్యులు ఆయన మరణించినట్లు ధృవీకరించారు. గోవా నివాసంలో నానా పటేకర్ స్పృహ తప్పి పడిపోవడంతో కుటుంబ సభ్యులు ఆయనను వెంటనే మణిపాల్ ఆసుపత్రికి తరలించారు.
Also Read : ఉక్రెయిన్ – రష్యా వార్.. భారత్ కు సరికొత్త తలనొప్పి..!
ఆసుపత్రిలో చీఫ్ ఆఫ్ ఆంకాలజీ డాక్టర్ శేఖర్ సాల్కర్ ఆధ్వర్యంలోని వైద్యుల బృందం ఆయనను రక్షించడానికి తీవ్రంగా శ్రమించిందని జాతీయ మీడియా పేర్కొంది. దాదాపు 45 నిమిషాల పాటు నిరంతరాయంగా సీపీఆర్ చేసినప్పటికీ, ఆయన శరీరం స్పందించలేదని వైద్యులు వెల్లడించారు. ప్రస్తుతం ఈ ఘటనపై మెడికో లీగల్ కేసు నమోదైందని, ఆసుపత్రిలో పోస్ట్‌మార్టం నిర్వహించనున్నట్లు తెలిపారు. తండ్రి మరణవార్త విన్న ఆయన కుమారుడు మల్హర్ పూణే నుండి గోవాకు పయనమయ్యారు.
1951 జనవరి 1న మహారాష్ట్రలో జన్మించిన విశ్వనాథ్ పటేకర్.. 1978లో గమన్ సినిమాతో హిందీ చిత్రసీమలోకి అడుగుపెట్టారు. సలామ్ బాంబే, పరిందా చిత్రాలు ఆయనకు బ్రేక్ ఇచ్చాయి. పరిందాలో అన్నా సేథ్ పాత్రకు గానూ ఆయన ఉత్తమ సహాయ నటుడిగా జాతీయ అవార్డు అందుకున్నారు. హిందీ సినిమా చరిత్రలో బెస్ట్ యాక్టర్, బెస్ట్ సపోర్టింగ్ యాక్టర్, బెస్ట్ విలన్ ఇలా మూడు ప్రధాన విభాగాల్లోనూ ఫిలింఫేర్ అవార్డులు అందుకున్న ఏకైక నటుడిగా ఆయన రికార్డు సృష్టించారు. వెల్కమ్ సినిమాలో ఆయన చేసిన ఉదయ్ శెట్టి పాత్ర ఇప్పటికీ పాప్-కల్చర్ మీమ్స్‌లో ట్రెండ్ అవుతూనే ఉంటుంది.
Also Read : రాజకీయాల్లోకి యంగ్ హీరో శివకార్తికేయన్..?
కళా, సినీ రంగాలకు ఆయన చేసిన అసమాన సేవలను గుర్తిస్తూ భారత ప్రభుత్వం 2013లో ఆయనను దేశ నాల్గవ అత్యున్నత పౌర పురస్కారం పద్మశ్రీతో సత్కరించింది. నటుడిగానే కాకుండా నిజ జీవితంలోనూ ఆయన గొప్ప మానవతావాది. గతంలో రైతుల కుటుంబాలను ఆదుకోవడం కోసం రూ.1.5 కోట్ల విలువైన లగ్జరీ కారును సైతం కొనుగోలు చేయకుండా ఆ డబ్బును సహాయ కార్యక్రమాలకు అందించిన హృదయం ఆయనది. నానా పటేకర్ హఠాన్మరణం పట్ల చిత్ర పరిశ్రమతో పాటు రాజకీయ ప్రముఖులు తీవ్ర దిగ్భ్రాంతిని వ్యక్తం చేస్తున్నారు.
