టాలీవుడ్లో ప్రస్తుతం అత్యంత డిమాండ్ ఉన్న హీరోయిన్లలో ఒకరిగా ఎదుగుతున్న మీనాక్షి చౌదరి వరుస విజయాలతో తనకంటూ ప్రత్యేక గుర్తింపు సంపాదించుకుంది. ‘హిట్ 2’, ‘గుంటూరు కారం’, ‘లక్కీ భాస్కర్’ వంటి చిత్రాల విజయాలతో ఆమెకు ఇండస్ట్రీలో ‘లక్కీ ఛామ్’ అనే పేరూ వచ్చింది. తెలుగు చిత్రాలతో పాటు తమిళ సినీ పరిశ్రమలోనూ అవకాశాలు అందిపుచ్చుకుంటూ తన కెరీర్ను విజయవంతంగా ముందుకు తీసుకెళ్తోంది.
Also Read : కేటీఆర్ పాదయాత్ర.. వర్కవుట్ అవుతుందా..?
ఇటీవల ఒక ఇంటర్వ్యూలో పాల్గొన్న మీనాక్షి చౌదరికి ఆసక్తికరమైన ప్రశ్న ఎదురైంది. సినీ పరిశ్రమలోని ఏ హీరోతోనైనా మూవీ డేట్కు వెళ్లే అవకాశం వస్తే ఎవరిని ఎంచుకుంటారని అడగగా, ఆమె ఎలాంటి సందేహం లేకుండా తమిళ స్టార్ హీరో శింబు పేరును పేర్కొన్నారు. శింబు స్క్రీన్ ప్రెజెన్స్, నటన తనకు ఎంతో ఇష్టమని చెబుతూ, ఆయనతో మూవీ డేట్కు వెళ్లాలని అనుకుంటానని సమాధానమిచ్చారు.
మీనాక్షి చేసిన ఈ వ్యాఖ్యలు ప్రస్తుతం సోషల్ మీడియాలో విస్తృతంగా చర్చనీయాంశమయ్యాయి. ముఖ్యంగా శింబు అభిమానులు ఈ వ్యాఖ్యలను ఆసక్తిగా స్వాగతిస్తూ, వీరిద్దరి కాంబినేషన్లో ఒక సినిమా వస్తే చూడాలని ఉందని అభిప్రాయపడుతున్నారు. ఇదే సమయంలో దర్శకుడు అశ్వత్ మరిముత్తు తెరకెక్కిస్తున్న శింబు కొత్త చిత్రం ‘STR 49’లో మీనాక్షి కథానాయికగా నటించే అవకాశం ఉందనే వార్తలు కూడా కోలీవుడ్ వర్గాల్లో వినిపిస్తున్నాయి.
ప్రస్తుతం మీనాక్షి చౌదరి తెలుగు, తమిళ భాషల్లో వరుస ప్రాజెక్టులతో బిజీగా ఉన్నారు. తెలుగులో నాగచైతన్యతో ‘వృషకర్మ’ వంటి చిత్రాల్లో నటిస్తుండగా, తమిళంలోనూ పలు ప్రతిష్టాత్మక అవకాశాలను అందుకుంటున్నారు. కెరీర్ పరంగా ఆమె సాధిస్తున్న విజయాలు, వరుసగా వస్తున్న కొత్త అప్డేట్లు ఆమెను ఇండస్ట్రీలో హాట్ టాపిక్గా నిలిపాయి.
Also Read : తెలుగులో నా ఫేవరేట్ హీరో అతనే.. ఇలియానా సంచలన కామెంట్స్
హర్యానాకు చెందిన మీనాక్షి చౌదరి విద్యావంతురాలు కూడా. ఆమె బ్యాచిలర్ ఆఫ్ డెంటల్ సర్జరీ (BDS) పూర్తి చేసి అనంతరం మోడలింగ్ రంగంలోకి అడుగుపెట్టారు. 2018లో జరిగిన ఫెమినా మిస్ ఇండియా పోటీల్లో రన్నరప్గా నిలిచిన ఆమె, అదే ఏడాది మిస్ గ్రాండ్ ఇంటర్నేషనల్లో భారతదేశానికి ప్రాతినిధ్యం వహించి ఫస్ట్ రన్నరప్గా గుర్తింపు పొందారు. 2021లో విడుదలైన ‘ఇచ్చట వాహనములు నిలుపరాదు’ సినిమాతో తెలుగు ప్రేక్షకులకు పరిచయమైన మీనాక్షి, ప్రస్తుతం దక్షిణాది సినీ పరిశ్రమలో అత్యంత బిజీ హీరోయిన్లలో ఒకరిగా కొనసాగుతున్నారు.