టాలీవుడ్ బాక్సాఫీస్ వద్ద తనదైన క్రేజ్తో దూసుకుపోతున్న రౌడీ స్టార్ విజయ్ దేవరకొండ సరికొత్త రికార్డుతో ఇండస్ట్రీలో హాట్ టాపిక్గా మారారు. ప్రస్తుతం వరుస క్రేజీ ప్రాజెక్టులతో ఫుల్ బిజీగా గడుపుతున్న యంగ్ హీరో ఖాతాలో ఒక రేర్ ఫీట్ చేరింది. భారతీయ సినిమా చరిత్రలో ఏ సౌత్ హీరోకు సాధ్యం కాని రీతిలో ఏకంగా ఇద్దరు ఇంటర్నేషనల్ స్టార్స్తో స్క్రీన్ షేర్ చేసుకునే అరుదైన అవకాశం రౌడీ హీరో సొంతమైంది. గతంలో బాక్సింగ్ లెజెండ్ మైక్ టైసన్ను ‘లైగర్’ చిత్రం ద్వారా ఇండియన్ సిల్వర్ స్క్రీన్కు పరిచయం చేసిన ఘనత విజయ్ దేవరకొండకే దక్కింది. రింగ్లో ప్రత్యర్థులను వణికించే ఆ గ్లోబల్ హెవీవెయిట్ ఛాంపియన్తో కలిసి యాక్షన్ సీన్లలో పోటీపడటం అప్పట్లో సంచలనం సృష్టించింది.
Also Read : కేశినేని బ్రదర్స్ వార్.. పరారీలో మాజీ ఎంపీ..!
ఆ అద్భుతమైన అనుభవం తర్వాత ఇప్పుడు మరోసారి ఒక హాలీవుడ్ లెజెండరీ యాక్టర్తో తలపడుతున్నారు విజయ్. ప్రస్తుతం టాలెంటెడ్ డైరెక్టర్ రాహుల్ సాంకృత్యాన్ దర్శకత్వంలో తెరకెక్కుతున్న మోస్ట్ అవేటెడ్ పీరియాడిక్ యాక్షన్ డ్రామా ‘రణబాలి’ చిత్రంలో ఈ అరుదైన మ్యాజిక్ రిపీట్ కాబోతోంది. హాలీవుడ్ క్లాసిక్ ఫ్రాంచైజీ ‘ది మమ్మీ’ సినిమాల్లో ఐకానిక్ విలన్ ఇమ్హోటెప్ పాత్రతో ప్రపంచవ్యాప్త గుర్తింపు తెచ్చుకున్న స్టార్ నటుడు ఆర్నాల్డ్ వోస్లూ ఈ చిత్రం ద్వారా భారతీయ చిత్రసీమలోకి అడుగుపెడుతున్నారు. మైత్రీ మూవీ మేకర్స్ ప్రతిష్టాత్మకంగా నిర్మిస్తున్న ఈ భారీ పాన్ ఇండియా ప్రాజెక్టులో ఆర్నాల్డ్ నటిస్తున్నట్లు మేకర్స్ అధికారికంగా ప్రకటించారు.
ఈ చిత్రంలో ఆర్నాల్డ్ వోస్లూ పోషిస్తున్న ‘సర్ థియోడర్ హెక్టర్’ క్యారెక్టర్ లుక్ పోస్టర్ సోషల్ మీడియాను షేక్ చేస్తోంది. బ్రిటీష్ పాలకుల కాలం నాటి 19వ శతాబ్దపు నేపథ్యంలో సాగే ఈ కథలో ఆర్నాల్డ్ ఒక శక్తివంతమైన క్రూరమైన విలన్ పాత్రలో కనిపించబోతున్నారు. ‘ది డెమన్ ఆఫ్ డ్రాట్’ అనే ట్యాగ్తో సింహాసనంపై కూర్చుని ఉన్న ఆయన లుక్ చూస్తుంటే రౌడీ స్టార్తో సాగే పోరాటాలు ఏ రేంజ్లో ఉంటాయో అర్థమవుతోంది. 1854 నుండి 1878 మధ్య కాలంలో రాయలసీమ ప్రాంతంలో జరిగిన కొన్ని నిజ జీవిత సంఘటనల ఆధారంగా చారిత్రక నేపథ్యంలో ఈ చిత్రాన్ని డైరెక్టర్ అద్భుతంగా ప్లాన్ చేశారు.
Also Read : దేవర 2.. షాక్లో తారక్ ఫ్యాన్స్..!
అణచివేతకు వ్యతిరేకంగా పోరాడే ఒక తిరుగుబాటు యోధుడిగా విజయ్ దేవరకొండ గుర్రపు స్వారీ చేస్తూ కోట ముఖద్వారాల వద్ద శత్రువులను చీల్చిచెండే యాక్షన్ ఎపిసోడ్స్ థియేటర్లలో పూనకాలు తెప్పించడం ఖాయంగా కనిపిస్తోంది. ఇందులో విజయ్ సరసన నేషనల్ క్రష్ రష్మిక మందన్న హీరోయిన్గా నటిస్తుండటంతో ఈ కాంబినేషన్పై అంచనాలు ఆకాశాన్ని తాకుతున్నాయి. ప్రముఖ సంగీత ద్వయం అజయ్ – అతుల్ అందిస్తున్న ట్రెండింగ్ బ్యాక్గ్రౌండ్ స్కోర్, విజువల్ గ్రాండ్నెస్ ఈ సినిమాను నెక్ట్స్ లెవెల్కు తీసుకెళ్లనున్నాయి. ఇటు మైక్ టైసన్, అటు ఆర్నాల్డ్ వోస్లూ లాంటి గ్లోబల్ స్టార్స్తో స్క్రీన్ షేర్ చేసుకున్న ఏకైక ఇండియన్ హీరోగా విజయ్ దేవరకొండ సరికొత్త రికార్డు క్రియేట్ చేయడం విశేషం. సెప్టెంబర్ 11న ప్రపంచవ్యాప్తంగా థియేటర్లలో గ్రాండ్ రిలీజ్ కాబోతున్న ఈ పవర్ఫుల్ యాక్షన్ ఎంటర్టైనర్ బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలి.