సీట్లు గెలిస్తే.. ఓటర్లంతా తన వైపే ఉన్నట్లా..? మెజార్టీ స్థానాలు దక్కించుకున్నంత మాత్రాన ప్రత్యర్థి పార్టీ ప్రజాబలం తగ్గిపోయినట్లా..? జిల్లా పరిషత్ ఎన్నికల ఫలితాలు ఇప్పుడు ఈ ప్రశ్నలను రాజకీయ తెరపైకి తెచ్చాయి. 2024 సార్వత్రిక ఎన్నికల్లో అసెంబ్లీ స్థానాల్లోనూ పరాజయం పాలైన వైఎస్ఆర్ కాంగ్రెస్ పార్టీ.. తాజా పరిషత్ పోరులో మాత్రం ఎంపీటీసీలు, జడ్పీటీసీ స్థానాలను కైవసం చేసుకుంది. కూటమి అత్యధిక స్థానాలను గెలుచుకున్నప్పటికీ.. వైసీపీ ఓటు వాటా 37.3 శాతం నుంచి 40.3 శాతానికి పెరిగిందన్న ప్రాథమిక అంచనా రాజకీయ వర్గాల్లో కొత్త చర్చకు దారితీస్తోంది. అధికార పీఠాన్ని నిర్ణయించేది సీట్ల సంఖ్యే కావచ్చు.. కానీ పార్టీల ప్రజాబలాన్ని అంచనా వేయాలంటే ఓట్ల లెక్కనూ చూడాల్సిందే!
Also Read : పెద్ద నోట్ల రద్దుపై చంద్రబాబు సంచలన కామెంట్స్..!
ఈ నేపథ్యంలో పరిషత్ ఫలితాలు కేవలం గెలుపోటములకే పరిమితం కాకుండా.. గ్రామీణ రాజకీయ సమీకరణాల్లో వచ్చిన మార్పులపై చర్చకు కేంద్రంగా మారాయి. ఎన్నికల్లో గెలిచిన స్థానాలే రాజకీయ బలానికి కొలమానమా? లేక ప్రజల నుంచి వచ్చిన ఓట్ల శాతమూ అంతే కీలకమా? జిల్లా పరిషత్ ఎన్నికల ఫలితాలు ఇప్పుడు ఈ ప్రశ్నను తెరపైకి తెస్తున్నాయి. 2024 సార్వత్రిక ఎన్నికల్లో ఎదురైన ఘోర పరాజయం తర్వాత వైఎస్ఆర్ కాంగ్రెస్ పార్టీ తాజా పరిషత్ ఎన్నికల్లో తన రాజకీయ ఉనికిని చాటుకుంది. మెజార్టీ స్థానాలను కూటమి కైవసం చేసుకున్నప్పటికీ.. వైసీపీ ఓటు వాటా పెరిగినట్లు అంచనా వేయడం రాజకీయ వర్గాల్లో చర్చకు దారితీస్తోంది.
2024 సార్వత్రిక ఎన్నికల్లో వైసీపీ ఓటు వాటా సుమారు 39 శాతంగా ఉంది. తాజా పరిషత్ ఎన్నికలపై ప్రాథమిక అంచనా ప్రకారం ఈ వాటా 41 శాతానికి చేరినట్లు విశ్లేషిస్తున్నారు. – అంటే దాదాపు రెండు శాతం పాయింట్ల పెరుగుదల నమోదైనట్లు అంచనా. స్థానాల పరంగా ఆశించిన స్థాయిలో విజయాలు దక్కకపోయినా.. ఓటు వాటాలో పెరుగుదల కనిపిస్తోందన్న చర్చ పార్టీ వర్గాల్లో ప్రాధాన్యం సంతరించుకుంది.
మొత్తం 582 జెడ్పీటీసీ స్థానాలకు ఎన్నికలు జరిగితే.. అందులో 406 టీడీపీ గెలవగా.. వైసీపీ 76, జనసేన 73, బీజేపీ 20 చోట్ల విజయం సాధించాయి. కూటమి ఖాతాలో 499 సీట్లు చేరాయి. ఇక ఎంపీటీసీ స్థానాల ఎన్నికల్లో కూడా 7,768 స్థానాల్లో టీడీపీ 4,806, వైసీపీ 1,711, జనసేన 938, బీజేపీ 169 గెలుచుకున్నాయి. కూటమి ఖాతాలో మొత్తం 5,861 చేరాయి. మొత్తంగా చూసుకుంటే.. కూటమికి వచ్చిన సీట్లు దాదాపు 80 శాతం పైనే ఉన్నాయి. కానీ.. వైసీపీ కూడా మెజారిటీ స్థానాలు గెలుచుకోవడం ద్వారా గ్రామీణ ప్రాంతాల్లో పార్టీ ఉనికిని కొనసాగించింది.
Also Read : గాలి కాలుష్యం ఉన్నప్పుడు వ్యాయామం చేయకూడదా..?
ఎంపీటీసీ స్థానాల్లో కూటమి స్పష్టమైన ఆధిక్యం ప్రదర్శించింది. ఫలితంగా స్థానాల పరంగా వైసీపీ వెనుకబడినప్పటికీ.. ఓటు వాటా పెరిగిందన్న అంచనా మరో రాజకీయ చర్చకు తెరలేపింది. ఎన్నికల ఫలితాలను విశ్లేషించేటప్పుడు గెలిచిన స్థానాలతోపాటు పోలైన ఓట్లను కూడా పరిశీలించాల్సి ఉంటుంది. కొన్ని చోట్ల స్వల్ప ఓట్ల తేడాతో ఓటమి ఎదురైనా.. మొత్తం ఓట్లలో పార్టీకి వచ్చిన వాటా ఎక్కువగా ఉండే అవకాశం ఉంది. అందువల్ల స్థానాల సంఖ్య ఆధారంగా మాత్రమే రాజకీయ పార్టీల బలాబలాలను అంచనా వేయడం సరైంది కాదనే వాదన వినిపిస్తోంది.
2024 ఎన్నికల ఫలితాల తర్వాత వైసీపీ రాజకీయంగా ఎదుర్కొన్న సవాళ్లు తక్కువేమీ కావు. అలాంటి పరిస్థితుల్లో పరిషత్ ఎన్నికల్లో 17 వందలకు పైగా ఎంపీటీసీలు, 76 జడ్పీటీసీ స్థానాలు గెలుచుకోవడం పార్టీ శ్రేణులకు ప్రాధాన్యమైన పరిణామం. అయితే ఈ విజయాలను రాష్ట్రవ్యాప్తంగా పార్టీ పునరుద్ధరణకు సూచికగా భావించాలా? లేక స్థానిక అభ్యర్థుల ప్రభావం, నియోజకవర్గాలవారీ పరిస్థితుల ఫలితంగా చూడాలా? అన్నది కూడా విశ్లేషించాల్సి ఉంది. అత్యధిక పరిషత్ స్థానాలను కూటమి గెలుచుకున్న విషయం స్పష్టమే. అదే సమయంలో వైసీపీ ఓటు వాటా పెరిగిందన్న అంచనా రాజకీయంగా ఆసక్తిని రేకెత్తిస్తోంది. స్థానాల ఆధిక్యం ఒక పార్టీకి అనుకూలంగా ఉన్నా.. ఓటర్ల మద్దతులో వచ్చిన మార్పును మరో కోణంలో పరిశీలించాల్సిన అవసరం ఉంది.
