న్యూజిలాండ్‌తో నవంబర్ 4 నుంచి ప్రారంభం కానున్న ఐదు మ్యాచ్‌ల వన్డే సిరీస్‌కు ముందు బీసీసీఐ టీమ్ ఇండియాలో ఆఖరి నిమిషంలో మార్పులు చేసింది. జమ్మూ కాశ్మీర్‌కు చెందిన ఫాస్ట్ బౌలర్ అకిబ్ నబీని తొలి మూడు వన్డేల కోసం కూడా భారత జట్టులోకి చేర్చుతూ సెలక్షన్ కమిటీ నిర్ణయం తీసుకుంది. నిజానికి అకిబ్ నబీని మొదట కేవలం నాలుగు, ఐదు వన్డేల కోసం మాత్రమే జట్టులోకి ఎంపిక చేశారు. గాయం కారణంగా ప్రసిద్ కృష్ణ దూరం కావడం, అలాగే న్యూజిలాండ్ పరిస్థితులు, బౌలింగ్ అవసరాల దృష్ట్యా సిరీస్ ప్రారంభం నుంచే అతడిని మెయిన్ స్క్వాడ్‌లో భాగం చేయాలని బీసీసీఐ అధికారికంగా ప్రకటన విడుదల చేసింది.
Also Read : ఏపీలో అర్నబ్ తుఫాన్ తెచ్చిన జలకళ..!
లింకన్ వేదికగా న్యూజిలాండ్-A జట్టుతో జరిగిన నాలుగు రోజుల అనధికారిక టెస్ట్ మ్యాచ్‌లో అకిబ్ నబీ అద్భుతమైన ప్రదర్శన కనబరిచాడు. రెండు ఇన్నింగ్స్‌లలో కలిపి మొత్తం 6 వికెట్లు పడగొట్టి కివీస్ బ్యాటర్లను బెంబేలెత్తించాడు. ఆ దేశ వాతావరణం, పిచ్‌లపై అతడికి లభించిన ఈ గ్రిప్ చూశాకే సెలక్టర్లు వెంటనే వన్డే జట్టులోకి ప్రమోట్ చేశారు. గతనెలలోనే వెస్టిండీస్‌తో గౌహతిలో జరిగిన మ్యాచ్ ద్వారా అకిబ్ నబీ వన్డే క్రికెట్‌లోకి అరంగేట్రం చేశాడు.
Also Read : తుఫాన్ వేళ వాట్సాప్ గవర్నెన్స్‌తో ప్రభుత్వం సక్సెస్..!
ఆ మ్యాచ్‌లో 8.5 ఓవర్లలో 84 రన్స్ ఇచ్చినా.. అతడి స్వింగ్, లైన్ అండ్ లెంగ్త్‌పై నమ్మకంతో మేనేజ్‌మెంట్ మరోసారి పెద్ద అవకాశం ఇచ్చింది. ఇప్పుడు జట్టు ఒకసారి చూస్తే.. శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్), కె.ఎల్. రాహుల్ (వికెట్ కీపర్), అక్షర్ పటేల్, నమన్ ధీర్, అన్షుల్ కంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్ కీపర్), మహ్మద్ సిరాజ్, కుల్దీప్ యాదవ్, నితీష్ కుమార్ రెడ్డి (తొలి వన్డేకు మాత్రమే), అకిబ్ నబీ.
