వెంకటేష్ తన స్థాయిలో ఎప్పుడూ ఏదో ఒకటి కొత్తగా ప్రయత్నిస్తుంటాడు. గురు అయినా ఎఫ్ 2 వంటి కామెడీ చిత్రాలైనా సరే వెంకీమామ ఎప్పుడూ ప్రేక్షకులను మెప్పించేందుకు కష్టపడుతుంటాడు. ఈ మధ్య కాలంలో వెంకీమామ టైమింగ్ను వాడుకున్నది మాత్రం అనిల్ రావిపూడి అని చెప్పుకోవచ్చు. ఎఫ్ 2, ఎఫ్ 3 సినిమాలు కొన్ని సార్లు క్రింజ్ అనిపించొచ్చు. ఇదేం కామెడీ.. ఇవేం సినిమాలు అని అనిల్ రావిపూడి మీద ట్రోలింగ్ రావొచ్చు. కానీ వెంకీ మామ ఇంతలా కామెడీ చేసి చాలా కాలమే అయింది. అప్పుడెప్పుడో త్రివిక్రమ్ రైటింగ్లో వెంకీ మామ నవ్వులు పూయించాడు.
నువ్వు నాకు నచ్చావ్, మల్లీశ్వరీ రేంజ్లో నవ్వించిన చిత్రాలు చాలా తక్కువ. ఎఫ్ 2, ఎఫ్ 2లో వెంకీ మామ ప్రేక్షకుల్ని బాగానే నవ్వించాడు. ఎంతో సీరియల్ మోడ్లో ఉన్న పాత్రలో వెంకీ మామ సైంధవ్గా చేస్తే జనాలు అంతగా రిసీవ్ చేసుకోలేదు. అందుకే వెంకీ మామ ఇకపై వినోదాత్మక చిత్రాలు చేయాలని చూస్తున్నట్టుగా తెలుస్తోంది. ఈ క్రమంలోనే వెంకీ మామ ఓ కథకు ఓకే చెప్పాడని, పూర్తి వినోదాత్మకంగా ఆ స్క్రిప్ట్ను అనిల్ రావిపూడి మలిచాడని సమాచారం.
ఈ మూవీకి సంక్రాంతికి వస్తున్నాం అనే క్యాచీ టైటిల్ను ఫిక్స్ చేసినట్టుగా టాక్. ఈ మూవీకి 50 కోట్ల బడ్జెట్ అవుతుందని లెక్కలు వినిపిస్తున్నాయి. ఈ మూవీలో మీనాక్షి చౌదరిని హీరోయిన్గా తీసుకుంటారని సమాచారం. అయితే సంక్రాంతి సెంటిమెంట్ను బేస్ చేసుకుని ఈ సారి కూడా దిల్ రాజు బరిలోకి దిగాలని ఫిక్స్ అయ్యాడు. మరి ఈ సంక్రాంతి సెంటిమెంట్.. ఈ సంక్రాంతికి వస్తున్నాం అనే సినిమాకు కలిసి వస్తుందా? లేదా? అన్నది చూడాలి.
సంక్రాంతి సీజన్లో వచ్చిన ఎఫ్ 2 బాగాన ఆడింది. వంద కోట్ల క్లబ్బులో చేరింది. కానీ ఎఫ్ 3 మాత్రం అంతగా ఆకట్టుకోలేకపోయింది. ఎఫ్ 3 చిత్రానికి ఆశించినంత వసూళ్లు రాలేదని సమాచారం.