ప్రస్తుతం ఆన్ లైన్ లో బైబిల్ డైట్ అనే సరికొత్త ఆహార విధానంపై పెద్ద ఎత్తున చర్చ జరుగుతోంది. పూర్వ కాలంలో అంటే బైబిల్ కాలంలో మధ్యప్రాచ్యం, మధ్యధరా ప్రాంతాల ప్రజలు తీసుకున్న సహజసిద్ధమైన ఆహారపు అలవాట్లను ఆధారంగా చేసుకుని ఈ డైట్ ను రూపొందించారు. ప్రాసెస్ చేసిన ఆధునిక ఆహారాలకు దూరంగా ఉంటూ, కేవలం ప్రకృతిసిద్ధమైన పదార్ధాలను మాత్రమే తినడం దీని ముఖ్య ఉద్దేశం. ఈ ఆహార నియమాల్లో పాతకాలపు సాంప్రదాయ వంటకాలకు, ముడి పదార్ధాలకు మాత్రమే ప్రాధాన్యత ఇస్తారు.
Also Read : షాకింగ్.. భయపడి పారిపోతున్న రష్యా ఆర్మీ..!
ఈ డైట్ లో ప్రధానంగా తాజా పండ్లు, ఆకుకూరలు, కూరగాయలు, ముడి ధాన్యాలు, వివిధ రకాల పప్పులు, బీన్స్, గింజలు, ఆలివ్ ఆయిల్, కొన్ని రకాల చేపలను చేర్చుకోవాలని నిపుణులు సూచిస్తున్నారు. అదే సమయంలో ప్యాక్ చేసిన జంక్ ఫుడ్స్, పంచదార ఎక్కువగా ఉండే పదార్ధాలు, మైదా వంటి రిఫైన్డ్ కార్బోహైడ్రేట్లు మరియు ప్రాసెస్ చేసిన మాంసానికి పూర్తిగా దూరంగా ఉండాలి. కొంతమంది ఈ డైట్తో పాటు మతపరమైన ఆచారాల ప్రకారం మధ్యమధ్యలో ఉపవాసాలు కూడా చేస్తుంటారు.
ఆరోగ్య నిపుణుల ప్రకారం.. ఈ బైబిల్ డైట్ ప్రస్తుతం ప్రపంచవ్యాప్తంగా ప్రాచుర్యం పొందిన మెడిటరేనియన్ డైట్ ను పోలి ఉంటుంది. ఈ తరహా ఆహార అలవాట్ల వల్ల గుండె జబ్బులు, టైప్-2 మధుమేహం, ఊబకాయం మరియు శరీరంలో వచ్చే వాపులు తగ్గుతాయని పరిశోధనలు చెబుతున్నాయి. పీచు పదార్థం, ప్రొటీన్లు ఎక్కువగా ఉండటం వల్ల జీర్ణక్రియ మెరుగుపడటమే కాకుండా, కడుపు నిండిన భావన కలిగి త్వరగా ఆకలి వేయదు. దీనివల్ల క్యాలరీల వినియోగం సహజంగానే తగ్గి బరువు తగ్గడానికి ఆస్కారం ఉంటుంది.
Also Read : నిజంగానే జగన్ వెంట్రుక కూడా పీకలేరా.?
అయితే, కేవలం డైట్ మార్చినంత మాత్రాన బరువు తగ్గిపోరని వైద్యులు స్పష్టం చేస్తున్నారు. సరైన నిద్ర, తక్కువ ఒత్తిడి, క్రమం తప్పకుండా వ్యాయామం చేయడం వంటి జీవనశైలి మార్పులు కూడా తోడైనప్పుడే పూర్తి ఫలితం కనిపిస్తుంది. అలాగే సరైన అవగాహన లేకుండా కొన్ని రకాల ఆహార సమూహాలను పూర్తిగా మానేస్తే పోషకాహార లోపం ఏర్పడే ప్రమాదం ఉంది. ముఖ్యంగా ఐరన్, విటమిన్ బి12, కాల్షియం లోపించకుండా చూసుకోవాలి. గర్భిణీలు, మ