బాక్సాఫీస్ వద్ద మంచి విజయాన్ని అందుకున్న ‘శంబాల’ కాంబినేషన్ మరోసారి ప్రేక్షకుల ముందుకు రానుంది. యంగ్ హీరో ఆది సాయికుమార్ మరియు షైనింగ్ పిక్చర్స్ నిర్మాతలు మహిధర్ రెడ్డి, రాజశేఖర్ అన్నభిమోజు కలిసి మరో వినూత్నమైన హారర్ డ్రామాతో సిద్ధమవుతున్నారు. యుగంధర్ ముని సమర్పణలో రూపొందుతున్న ఈ కొత్త ప్రాజెక్ట్పై తాజాగా విడుదలైన కాన్సెప్ట్ పోస్టర్ భారీ ఆసక్తిని రేకెత్తిస్తోంది. ‘శంబాల’ ఇచ్చిన విజయోత్సాహంతో ఈసారి మరింత భిన్నమైన కథతో ప్రేక్షకులను థ్రిల్ చేయాలని చిత్ర బృందం లక్ష్యంగా పెట్టుకుంది.
Also Read : అమరావతి రైతులకు ప్లాట్ల కేటాయింపులో వాస్తవాలు ఇవే..!
విడుదలైన కాన్సెప్ట్ పోస్టర్ ప్రస్తుతం సోషల్ మీడియాలో వైరల్ అవుతోంది. పోస్టర్లో ఆది సాయికుమార్ ఇంటెన్స్ లుక్లో కనిపించగా, రక్తంతో కూడిన విజువల్స్, చుట్టూ ఉన్న పువ్వులు, పాతకాలపు స్టాంప్ డిజైన్ వంటి అంశాలు సినిమాపై క్యూరియాసిటీని మరింత పెంచుతున్నాయి. ఈ పోస్టర్ను బట్టి చూస్తే, ప్రేక్షకులను ఓ కొత్త మిస్టీరియస్ ప్రపంచంలోకి తీసుకెళ్లే ప్రయత్నం ఈ సినిమా చేయబోతుందనే అభిప్రాయం వ్యక్తమవుతోంది.
ఈ చిత్రానికి బృందా రవీందర్ దర్శకత్వం వహిస్తున్నారు. హారర్కు మాత్రమే పరిమితం కాకుండా, బలమైన భావోద్వేగాలను కూడా కథలో మిళితం చేసినట్లు సమాచారం. ఇండియన్ స్క్రీన్పై ఇప్పటివరకు చూడని కొత్త తరహా అనుభూతిని అందించడమే ఈ సినిమా ప్రధాన ఉద్దేశమని చిత్ర యూనిట్ చెబుతోంది. ముఖ్యంగా హారర్ ఎలిమెంట్స్ను సరికొత్త కోణంలో చూపించడానికి దర్శకుడు ప్రత్యేక శ్రద్ధ తీసుకుంటున్నారని తెలుస్తోంది.
Also Read : బ్రేకింగ్: నాగార్జున యాదవ్ కు మ్యూజిక్ స్టార్ట్..!
సినిమాకు సంగీతం అందించేందుకు శ్రీ చరణ్ పాకాల్ని ఎంపిక చేశారు. థ్రిల్లర్ చిత్రాల్లో బ్యాక్గ్రౌండ్ మ్యూజిక్ ఎంత కీలకమో తెలుసుకున్న మేకర్స్, ఈసారి కూడా సౌండ్ డిజైన్పై ప్రత్యేక దృష్టి పెట్టారు. నిశ్శబ్దంలో కూడా భయాన్ని కలిగించేలా ఉండే బీజీఎంతో ప్రేక్షకులను సీటు అంచున కూర్చోబెట్టే అనుభూతిని ఇవ్వబోతున్నారని సమాచారం. ‘శంబాల’ తర్వాత ఆది సాయికుమార్ కెరీర్లో ఈ ప్రాజెక్ట్ మరో కీలక మైలురాయిగా నిలవనుందని సినీ వర్గాలు భావిస్తున్నాయి. త్వరలోనే ఈ సినిమాకు సంబంధించిన మరిన్ని ఆసక్తికరమైన అప్డేట్స్ రానున్నాయి.