పెళ్లి తర్వాత తొలి పుట్టిన రోజు జరుపుకున్నారు నేషనల్ క్రష్ రష్మిక మందన్న. దీంతో ఈ పుట్టినరోజున ఫ్యాన్స్కు ఆమె స్పెషల్ గిఫ్ట్ అదిరిపోయింది. రష్మిక నటిస్తున్న కొత్త సినిమా ‘మైసా’ నుంచి చిత్ర బృందం ఓ పవర్ఫుల్ పోస్టర్ విడుదల చేసింది. రవింద్ర పుల్లే దర్శకత్వం వహిస్తున్న ఈ ఫీమేల్ ఓరియెంటెడ్ యాక్షన్ డ్రామా నుంచి వచ్చిన ఈ పోస్టర్ ప్రస్తుతం సోషల్ మీడియాలో అందరి దృష్టిని ఆకర్షిస్తోంది.
ఈ పోస్టర్లో రష్మిక మునుపెన్నడూ చూడని అవతారంలో కనిపించారు. ముఖంపై గాయాలు, రక్తం, మట్టితో ఉన్నప్పటికీ.. ఆమె కళ్లలో మాత్రం కసి, ఆగ్రహం బలంగా కనిపిస్తున్నాయి. తన పాత్ర ఎంతటి భయానక పరిస్థితులను ఎదుర్కుందో ఈ లుక్ స్పష్టం చేస్తోంది. ఇంతకు ముందు విడుదలైన ఫస్ట్ లుక్, టీజర్లు సినిమాపై అంచనాలను పెంచగా, ఈ కొత్త పోస్టర్ ఆ హైప్ను మరింత పెంచింది.
Also Read : ఫౌజీ లీకులపై మేకర్స్ సీరియస్.. లీక్ చేస్తే అంతే..!
గోండు తెగ ప్రజల సాంస్కృతిక నేపథ్యంతో ఈ సినిమా తెరకెక్కుతోంది. ఇందులో రష్మిక ఒక బలమైన గోండు యువతి పాత్రలో కనిపించనున్నారు. భారీ యాక్షన్, భావోద్వేగాల కలబోతగా పాన్-ఇండియా స్థాయిలో అన్ఫార్ములా ఫిలింస్ ఈ చిత్రాన్ని నిర్మిస్తోంది. ఈ చిత్రంలో ఈశ్వరి రావు, గురు సోమసుందరం, రావు రమేశ్ కీలక పాత్రలు పోషిస్తున్నారు. శ్రేయాస్ పి కృష్ణ సినిమాటోగ్రఫీ అందిస్తుండగా, జేక్స్ బిజోయ్ సంగీతం సమకూరుస్తున్నారు. అంతర్జాతీయ స్టంట్ కొరియోగ్రాఫర్ ఆండీ లాంగ్ యాక్షన్ సన్నివేశాలను పర్యవేక్షిస్తున్నారు. ప్రస్తుతం ఈ సినిమా షూటింగ్ వేగంగా జరుగుతోంది.
అలాగే తన భర్త విజయ్ దేవరకొండతో కలిసి రష్మిక నటిస్తున్న మరో సినిమా ‘రణబాలి’. పెళ్లి తర్వాత ఈ జంట నటిస్తున్న తొలి సినిమా రణబలి. ఈ చిత్రం నుంచి వచ్చిన పోస్టర్, స్పెషల్ వీడియో ఇప్పుడు అందరి దృష్టి ఆకర్షిస్తోంది. ఈ సినిమాలో రష్మిక పోషిస్తున్న ‘జయమ్మ’ పాత్రకు పుట్టినరోజు శుభాకాంక్షలు తెలుపుతూ చిత్ర బృందం ఒక ప్రత్యేకమైన పోస్టర్, మేకింగ్ వీడియోను విడుదల చేసింది.