ప్రస్తుతం సౌత్ ఇండియన్ సినిమా ఇండస్ట్రీలో ఒక కొత్త ట్రెండ్ నడుస్తోంది. ఒకప్పుడు లవ్ స్టోరీలు, ఫ్యామిలీ డ్రామాలు రాజ్యమేలితే, ఇప్పుడు మాత్రం గ్యాంగులు, గ్రూపులు, గన్ లు, సామ్రాజ్యాలు బ్యాక్ డ్రాప్ కథలే బాక్సాఫీస్ ను షేక్ చేస్తున్నాయి. ప్రశాంత్ నీల్ సృష్టించిన కేజీఎఫ్ ఈ ట్రెండ్ కు పునాది వేయగా, ప్రభాస్ సలార్ దానిని నెక్స్ట్ లెవెల్ కు తీసుకెళ్లింది. ఇప్పుడు ఇదే పంథాలో యంగ్ టైగర్ ఎన్టీఆర్ నటిస్తున్న డ్రాగన్ కూడా ఉందనే టాక్ నడుస్తోంది. తాజాగా విడుదలైన గ్లింప్స్ చూస్తుంటే ఈ సినిమాలు అన్నీ ఒకే లైన్ లో ఉన్నాయని ఫ్యాన్స్ అంటున్నారు.
Also Read : బాలయ్య – కొరటాల కాంబో.. ఇంటర్వెల్ సీన్ వేరే లెవెల్ అంతే..!
కేజీఎఫ్ లో భయంకర సామ్రాజ్యాన్ని శాసించే రాకీ భాయ్ కథను చూశాం. సలార్ లో ఖాన్సార్ అనే ఊహాజనిత రాజ్యాన్ని కైవసం చేసుకునే గ్యాంగ్ వార్స్, కవల ముఠాల గొడవలను కళ్ళకు కట్టారు. ఇప్పుడు రాబోతున్న డ్రాగన్ సినిమాలో కూడా దాదాపు అదే కాన్సెప్ట్ కనిపిస్తోందని విశ్లేషకులు భావిస్తున్నారు. ఈ సినిమాలో కూడా గ్రూపులు, గ్యాంగులు, వాటి మధ్య నడిచే ఆధిపత్య పోరు, ఒక పెద్ద సామ్రాజ్యాన్ని శాసించే క్రూరమైన మాఫియా సెటప్ ప్రధానాంశాలుగా ఉన్నట్లు తెలుస్తోంది. ప్రేక్షకులు ఈ తరహా డార్క్ యాక్షన్ డ్రామాలకు బాగా కనెక్ట్ అవుతుండటంతో మేకర్స్ కూడా ఈ సక్సెస్ ఫార్ములాను వదలడం లేదు.
Also Read : బెజవాడ రైళ్లు అన్నీ పారిపోతున్నాయి..!
కథలతో పాటు ఈ సినిమాల బ్యాక్గ్రౌండ్ స్కోర్ కూడా ఒకే శైలిలో సాగుతుండటం గమనార్హం. కేజీఎఫ్, సలార్ సినిమాల్లో రవి బస్రూర్ అందించిన హెవీ మెటల్, థంపింగ్ డ్రమ్స్ మ్యూజిక్ ఏ రేంజ్ ఎలివేషన్ ఇచ్చిందో మనకు తెలిసిందే. ఇప్పుడు డ్రాగన్ గ్లింప్స్ లో వినిపించిన మ్యూజిక్ కూడా సరిగ్గా అదే వైబ్ను గుర్తుకు తెస్తోందని ఆడియన్స్ కామెంట్స్ చేస్తున్నారు. భారీ శబ్దాలు, బేస్ ఎఫెక్ట్స్, ఒళ్లు గగుర్పొడిచే బ్యాక్ గ్రౌండ్ మ్యూజిక్ తో ఈ గ్లింప్స్ ను కట్ చేశారు. ఒకే రకమైన కలర్ ప్యాలెట్, అదే ఇంటెన్సిటీతో కూడిన మ్యూజిక్ ఉండటం వల్ల ఈ సినిమాలు అన్నీ ఒకే యూనివర్స్ లేదా ఒకే లైనప్ లో ఉన్నాయా అనే అనుమానాలు కూడా ఫ్యాన్స్ లో వ్యక్తమవుతున్నాయి.