ఈ సంవత్సరం అత్యంత ఆసక్తిగా ఎదురుచూస్తున్న చిత్రాలలో కన్నప్ప ఒకటి. ఈ సినిమా కోసం మంచు విష్ణు అభిమానుల కంటే ప్రభాస్ అభిమానులే ఎక్కువగా ఎదురు చూస్తున్నారు. మంచు విష్ణు కంటే ఇతర నటులే స్టార్లు కావడంతో అభిమానుల్లో సినిమాపై పిచ్చ క్రేజ్ క్రియేట్ అయింది. ఇక ఈ సినిమాలో ప్రభాస్ తో పాటుగా మోహన్ లాల్, మోహన్ బాబు, అక్షయ్ కుమార్ వంటి నటులు నటిస్తున్నారు. సినిమా బడ్జెట్ కూడా భారీగానే ఉండటంతో ఎవరికి ఎంత రెమ్యునరేషన్ ఇస్తున్నారో ఒకసారి చూద్దాం.
Also Read : ఇరాన్ కు ట్రైనింగ్ ఇచ్చిన అమెరికానే ఇప్పుడు ఎందుకు టెన్షన్ పడుతోంది..?
కన్నప్పలో అక్షయ్ కుమార్ శివుడిగా అతిధి పాత్రలో నటిస్తున్నాడు. ఈ పాత్ర సినిమాలో అత్యంత కీలకం. దీనితో ఈ సినిమా కోసం అతను 6 కోట్లకు పైగానే రెమ్యునరేషన్ తీసుకుంటున్నాడు. ముఖేష్ కుమార్ సింగ్ దర్శకత్వంలో వస్తున్న ఈ సినిమాలో ఇప్పటికే అక్షయ్ కుమార్ పాత్రకు సంబంధించిన షూటింగ్ కంప్లీట్ చేసారు. ఇక ఈ సినిమాలో కీలక పాత్రలో నటించే మలయాళ స్టార్ హీరో మోహన్ లాల్.. ఈ సినిమా కోసం రూపాయి కూడా చార్జ్ చేయకుండా నటిస్తున్నాడు అంటున్నాయి టాలీవుడ్ వర్గాలు.
Also Read : పొగాకు రైతులకు 24 గంటల్లోనే.. చంద్రబాబు సర్కార్ కీలక నిర్ణయం
ఇండియాలో అతిపెద్ద స్టార్లలో ఒకరైన ప్రభాస్, కన్నప్పలో రుద్ర పాత్రను పోషిస్తున్నాడు. మోహన్ లాల్ లాగే, ప్రభాస్ కూడా ఈ సినిమాను ఉచితంగా చేసాడు. ఈ విషయాన్ని మంచు విష్ణు ఓ ఇంటర్వ్యూలో బయటపెట్టాడు. సినిమా రిలీజ్ అయిన తర్వాత వారి కష్టానికి తాను రెమ్యునరేషన్ ఇస్తాను అన్నాడు విష్ణు. ఈ సినిమాలో మంచు విష్ణు తండ్రి మోహన్ బాబు కూడా డబ్బులు తీసుకోలేదు. సినిమాలో ఎక్కువ భాగం న్యూజిలాండ్ లో షూట్ చేయడంతో బడ్జెట్ ఎక్కువైంది అంటున్నాయి టాలీవుడ్ వర్గాలు.