ముఖం ఎంత అందంగా ఉన్నా, గడ్డం కింద అదనపు కొవ్వు లేదా డబుల్ చిన్ ఉంటే చాలా ఇబ్బందిగా ఉంటుంది. ముఖ్యంగా అమ్మాయిలకు ఇదో మానసిక సమస్య కూడా. అయితే కేవలం వ్యాయామం ద్వారానే కాదు, సరైన యోగాసనాలతో కూడా ఈ డబుల్ చిన్ ను సులభంగా తగ్గించుకోవచ్చు. ముఖం కండరాలను బిగుతుగా మార్చి, మిమ్మల్ని యంగ్ గా కనిపించేలా చేసే ఆ పవర్‌ఫుల్ యోగాసనాలు ఏంటో ఇప్పుడు చూద్దాం.
Also Read : కుప్పకూలిన బంగారం ధరలు.. కొనేవారికి పండగే..!
సింహాసనం అనే యోగా.. ముఖం కండరాలకు ది బెస్ట్ వ్యాయామంగా చెప్తారు నిపుణులు. మోకాళ్లపై కూర్చుని, నాలుకను సాధ్యమైనంత బయటకు చాపి, కళ్లను పెద్దవిగా చేసి సింహంలా గర్జించాలి. ఇది గొంతు మరియు గడ్డం దగ్గరి కండరాలను స్ట్రెచ్ చేసి, అక్కడ పేరుకుపోయిన కొవ్వును కరిగిస్తుంది. అలాగే భుజంగాసనం కూడా హెల్ప్ అవుతుంది. బోర్లా పడుకుని, అరచేతులను నేలపై ఉంచి, శరీరం పైభాగాన్ని పైకి లేపి ఆకాశం వైపు చూడాలి. ఇలా చేస్తే మెడ భాగాన్ని వెనక్కి వంచడం వల్ల గడ్డం కింద ఉన్న చర్మం సాగి, డబుల్ చిన్ తగ్గుతుంది.
Also Read : అమరావతికి ఎన్నో ప్రత్యేకతలు..!
ఫిష్ ఫేస్ కూడా బాగా సహకరిస్తుంది. ఇది చాలా ఈజీగా ఎక్కడైనా చేయవచ్చు. మీ బుగ్గలను లోపలికి పీల్చుకుని, పెదవులను చేప నోరులా పెట్టి నవ్వడానికి ప్రయత్నించండి. ఇది ముఖం కండరాలను టోన్ చేస్తుంది. దవడ ఎముక షార్ప్‌ గా కనిపించేలా చేస్తుంది. ఇక గ్రీవా సంచాలన కూడా మంచి ఎఫెక్ట్ చూపిస్తుంది. మెడను నెమ్మదిగా కుడి నుండి ఎడమకు, మళ్ళీ వెనక్కి వృత్తాకారంలో తిప్పాలి. మెడ చుట్టూ రక్త ప్రసరణ పెంచి, అక్కడ చర్మం ముడతలు పడకుండా కాపాడుతుంది. చివరిది.. చిన్ లిఫ్ట్.. నిలబడి లేదా కూర్చుని తల పైకి ఎత్తి ఆకాశం వైపు చూడాలి. ఇప్పుడు ముద్దు పెడుతున్నట్లు పెదవులను పైకి చాచాలి. ఇది నేరుగా డబుల్ చిన్ ఉన్న భాగంపై ఒత్తిడి తెచ్చి, కొవ్వును వేగంగా కరిగిస్తుంది. రోజు 10 నుంచి 15 నిమిషాలు ఇవి చేస్తే మంచి ఎఫెక్ట్ ఉంటుంది.
