చాలా మంది చర్మం పొడిబారడం, గోళ్లు త్వరగా విరిగిపోవడం వంటి వాటిని కేవలం వాతావరణ మార్పులుగానో లేదా సౌందర్య సమస్యలుగానో భావిస్తుంటారు. వీటిని తగ్గించుకోవడానికి రకరకాల క్రీములు, లోషన్లు వాడుతుంటారు. అయితే, ఇవి కేవలం పైపైన వచ్చే సమస్యలు మాత్రమే కాకపోవచ్చు. మన శరీరంలో అంతర్గతంగా హార్మోన్ల సమతుల్యత దెబ్బతిన్నప్పుడు చర్మం, గోళ్ల రూపంలో శరీరం మనకు ఇలాంటి ముందస్తు సంకేతాలను ఇస్తుందని వైద్య నిపుణులు చెప్తున్నారు.
Also Read : చిరంజీవి డిజిటల్ జర్ని స్టార్ట్..!
మణిపాల్ హాస్పిటల్ డెర్మటాలజీ విభాగ నిపుణులు తెలిపిన వివరాల ప్రకారం.. శరీరంలో హార్మోన్లు అనేవి చర్మం యొక్క తేమను, జిడ్డు ఉత్పత్తిని, రక్త ప్రసరణను, గోళ్ల బలాన్ని నియంత్రించడంలో కీలక పాత్ర పోషిస్తాయి. ముఖ్యంగా హైపోథైరాయిడిజం వంటి హార్మోన్ల సమస్యల వల్ల చర్మం విపరీతంగా పొడిబారడం, గోళ్లు బలహీనపడటం జరుగుతుంది. థైరాయిడ్ హార్మోన్ స్థాయిలు తగ్గినప్పుడు శరీర జీవక్రియలు మందగించి, చర్మం పొడిబారి, పొరలుగా ఊడిపోవడం, గోళ్లు పల్చగా మారి త్వరగా విరిగిపోవడం వంటి లక్షణాలు కనిపిస్తాయి.
Also Read : కమ్మ నేతకు రాజ్యసభ..? ఆ ఒక సీటు ఎవరికి..?
దీనితో పాటు విపరీతమైన అలసట, బరువు పెరగడం, జుట్టు రాలడం, చలిని తట్టుకోలేకపోవడం వంటి ఇతర లక్షణాలు కూడా ఉండవచ్చు. కేవలం థైరాయిడ్ మాత్రమే కాకుండా మహిళల్లో గర్భధారణ సమయంలో, మెనోపాజ్ దశలో ఈస్ట్రోజెన్, ప్రొజెస్టెరాన్ హార్మోన్లలో వచ్చే హెచ్చుతగ్గుల వల్ల కూడా చర్మం, గోళ్ల ఆరోగ్యం తాత్కాలికంగా దెబ్బతింటుంది. ఇవే కాకుండా శరీరంలో పోషకాహార లోపం కూడా దీనికి ఒక ప్రధాన కారణం. ఐరన్ లోపం, విటమిన్ బి12, జింక్ మరియు ప్రోటీన్ వంటి పోషకాలు శరీరానికి సరిగ్గా అందనప్పుడు గోళ్లు, చర్మం బలహీనపడతాయి.
Also Read : వంగ మాస్టర్ ప్లాన్.. కాస్టింగ్ తోనే బాక్సాఫీస్ షేక్..!
ఎక్కువసేపు నీటిలో పనులు చేయడం, గాఢత ఎక్కువ ఉన్న సబ్బులు, డిటర్జెంట్లు, శానిటైజర్లు ఎక్కువగా వాడటం వల్ల కూడా ఈ సమస్య తీవ్రమవుతుంది. ఇలాంటి లక్షణాలు నిరంతరాయంగా వేధిస్తూ, వాటితో పాటు అలసట, హఠాత్తుగా బరువు మారడం, క్రమరహిత పీరియడ్స్ వంటి ఇబ్బందులు ఉంటే వెంటనే వైద్యులను సంప్రదించి థైరాయిడ్, ఐరన్ మరియు విటమిన్ పరీక్షలు చేయించుకోవడం మంచిది. రోజువారీ సంరక్షణలో భాగంగా సెరమైడ్స్ ఆధారిత మాయిశ్చరైజర్లు రాయడం, తగినంత నీరు తాగడం, ప్రోటీన్లు ఉన్న సమతుల్య ఆహారం తీసుకోవడం ద్వారా చర్మం, గోళ్ల ఆరోగ్యాన్ని క్రమంగా మెరుగుపరుచుకోవచ్చు.