తమిళనాడు రాజకీయాలు ఒక్కసారిగా తీవ్ర ఉత్కంఠగా మారాయి. డీఎంకే కీలక నేత, తమిళనాడు అసెంబ్లీలో ప్రతిపక్ష నేత ఉదయనిధి స్టాలిన్ ను చెన్నై పోలీసులు మంగళవారం నాటకీయ పరిణామాల మధ్య అరెస్ట్ చేశారు. తంజావూరులో జరిగిన ఒక బహిరంగ సభలో తమిళనాడు ప్రస్తుత ముఖ్యమంత్రి సి. జోసెఫ్ విజయ్ మరియు ప్రముఖ కథానాయకి త్రిష కృష్ణన్‌ లను ఉద్దేశించి ఉదయనిధి స్టాలిన్ చేసిన అత్యంత వివాదాస్పద వ్యాఖ్యలు అరెస్టుకు దారితీశాయి. ఈ పరిణామంతో డీఎంకే శ్రేణులు తీవ్ర ఆగ్రహం వ్యక్తం చేస్తుండగా, చెన్నైలోని ఉదయనిధి నివాసం వద్ద భారీగా పోలీసులు మోహరించారు.
Also Read : ఢిల్లీ పోలీస్ లపై అభిజీత్ దిప్కే సంచలన వ్యాఖ్యలు..!
అసలు వివాదం వివరాల్లోకి వెళితే, కావేరి నదీ జలాల సమస్యపై తంజావూరులో డీఎంకే ఆధ్వర్యంలో ఒక నిరసన సభ జరిగింది. ఈ సభలో ఉదయనిధి స్టాలిన్ ప్రసంగిస్తూ ముఖ్యమంత్రి విజయ్ పాలనను విమర్శిస్తున్న తరుణంలో, సభకు వచ్చిన కొందరు కార్యకర్తలు నటి త్రిష పేరును గట్టిగా అరిచారు. దానికి స్పందించిన ఉదయనిధి, నటి త్రిష మరియు సీఎం విజయ్ వ్యక్తిగత జీవితాలను ఉద్దేశిస్తూ అత్యంత అసభ్యకరమైన, ద్విఅర్థ వ్యాఖ్యలు చేశారు. ఈ ప్రసంగానికి సంబంధించిన వీడియో సోషల్ మీడియాలో విపరీతంగా వైరల్ కావడంతో తమిళనాడు వ్యాప్తంగా తీవ్ర నిరసనలు వ్యక్తమయ్యాయి.
Also Read : దమ్ముంటే పట్టుకోండి చూద్దాం.. వైసీపీ నేత సవాల్..!
ఈ వివాదాస్పద ప్రసంగంపై అధికార తమిళగ వెట్రి కజగం పార్టీ, బీజేపీ శ్రేణులు తీవ్రంగా మండిపడ్డాయి. ఉదయనిధి వ్యాఖ్యలు మహిళలను, తోటి కళాకారులను అవమానించేలా, అత్యంత దారుణంగా ఉన్నాయంటూ తంజావూరు పోలీస్ స్టేషన్‌ లో ఫిర్యాదులు వెల్లువెత్తాయి. ఈ ఫిర్యాదులపై తక్షణమే స్పందించిన పోలీసులు ఉదయనిధి స్టాలిన్‌పై మహిళల పట్ల అసభ్య ప్రవర్తన, శాంతిభద్రతలకు విఘాతం కలిగించడం వంటి ఆరోపణలతో 6 సెక్షన్ల కింద ఎఫ్‌ఐఆర్ నమోదు చేశారు. కేసు తీవ్రతను బట్టి చెన్నైలోని నీలాంగరైలో ఉన్న ఆయన నివాసానికి చేరుకున్న పోలీస్ బృందం ఉదయనిధిని అదుపులోకి తీసుకుంది.
