అమెరికా అధ్యక్షుడుగా డొనాల్డ్ ట్రంప్ బాధ్యతలు చేపట్టిన తర్వాత తీసుకుంటున్న ఒక్కో నిర్ణయం ప్రపంచాన్ని షేక్ చేస్తోంది. వీసాల నుంచి వ్యాపారాల.. విద్య నుంచి పన్నుల వరకు చుక్కలు చూపిస్తున్నాడు. ఇటీవల ఆ దేశ విద్యాశాఖ ను రద్దు చేసిన ట్రంప్.. ప్రపంచ దేశాలపై కక్ష సాధింపు నిర్ణయాలు తీసుకుంటూ సంచలనం రేపుతున్నాడు. ఏప్రిల్ 2 నుండి కొత్త సుంకాలను విధించడానికి ట్రంప్ సిద్దమయ్యారు. దీనిని అమెరికా విముక్తి దినోత్సవంగా చెప్తున్నారు ట్రంప్. అమెరికా వస్తువులపై అధిక సుంకాలు విధించే దేశాలకు ట్రంప్ చుక్కలు చూపించడానికి సిద్దమయ్యారు.
Also Read : 5 ఏళ్ళ బటన్ల నొక్కుడుపై చంద్రబాబు ఆసక్తికర కామెంట్స్
సరికొత్త సుంకాలకు సంబంధించి స్పష్టమైన వివరాలు లేకపోయినా.. కొన్ని దేశాలు ఈ భారాన్ని భరించాల్సి ఉంటుంది. అమెరికా ట్రెజరీ కార్యదర్శి స్కాట్ బెసెంట్ ఇటీవల కొన్ని దేశాలను..”డర్టీ 15″ అని పిలిచారు. వీటిని ఆయన అమెరికా వస్తువులపై అధిక సుంకాలు, ఇతర వాణిజ్య అడ్డంకులను సృష్టించే 15 అమెరికా వాణిజ్య భాగస్వాములుగా అభివర్ణించారు. ఆ దేశాల ఖచ్చితమైన జాబితాను వెల్లడించనప్పటికీ, అమెరికా వాణిజ్య శాఖ 2024 వాణిజ్య లోటు నివేదిక నుండి వచ్చిన డేటా ప్రకారం చూస్తే ఆ లిస్టులో భారత్ కూడా ఉంది.
Also Read : సల్మాన్ ను వెంటాడుతున్న బ్యాడ్ టైం
చైనా, యూరోపియన్ యూనియన్, మెక్సికో, వియత్నాం, ఐర్లాండ్, జర్మనీ, తైవాన్, జపాన్, దక్షిణ కొరియా, కెనడా, భారతదేశం, థాయిలాండ్, ఇటలీ, స్విట్జర్లాండ్, మలేషియా, ఇండోనేషియా.. ఈ దేశాలపై అమెరికా భారీ పన్నులు విధించే అవకాశం ఉంది. ముఖ్యంగా ఫార్మాస్యూటికల్స్, సెమీకండక్టర్లలో అధిక సుంకాలు విధించే అవకాశం ఉంది. ఏప్రిల్ 4 నుండి అమల్లోకి రానున్న ఆటోమొబైల్ దిగుమతులు, విడిభాగాలపై సుంకాలు పెరగనున్నాయి. అమెరికాతో అధిక వ్యాపారాలు చేస్తూ కూడా తమను ఇబ్బంది పెట్టే దేశాల విషయంలో కఠినంగా వ్యవహరించనున్నారు ట్రంప్.